Փաստ ինֆո

Հին Հայաստանի ուրվականը. Տարածքային կառավարման և զարգացման նախարար Սուրեն Պապիկյանն այսօրվա ասուլիսում այսպիսի բնորոշում այն վիճակին, որում այսօր գտնվում են գյուղի դպրոցները։

Նախարարի խոսքով՝ իրենք փորձում են լուծումներ գտնել գյուղի կրթական ոլորտում ծառացած խնդիրները լուծելու համար։ «Մենք մեր գործընկերների հետ փորձում ենք լուծումներ գտնել կրթական հաստատությունների խնդիրների համար։ Անցյալ տարի արդեն իսկ բավական մեծ աշխատանքներ են կատարվել և այս տարի էլ դրանք կշարունակվեն»,- ասաց նախարարը՝ նշելով, որ կառավարությունում կա 46 դպրոցի վերանորոգման հաստատված ծրագիր։

Նրա ներկայացմամբ՝ տարբեր մարզպետարաններից դիմումներ են ստացել 52 նախակրթարանների վերանորոգման վերաբերյալ, որոնցից 14-ը նախորդ տարի վերանորոգվել է, իսկ առաջիկա տարիների համար ֆինանսավորումը նախատեսված է 1/5-րդի համար։

ՀՀ կրթության և գիտության նախարար Արայիկ Հարությունյանի հրապարակած տվյալներով՝ այսօր վերանորոգման կարիք ունի մոտ 400 դպրոց  և համագործակցելով Ասիական զարգացման բանկի հետ, արդեն մշակել են դպրոցների վերանորոգման ծրագրեր։ Նախարարը նաև նշեց, որ առկա խնդիրները ոչ միայն ԿԳՆ խնդիրն է, այլ նաև վարչական մի շարք կառույցների։ 

ՀՀ ԱԺ պատգամավոր Հովհաննես Հովհաննիսյանն էլ կարծիք հայտնեց, որ շատ գործարարներ այսօր եկեղեցի են կառուցում, բայց լավ կլիներ նաև, որ որևէ գործարար որոշեր դպրոց վերանորոգել, քանի որ գիտակցում են, որ պետությունն այդքան հնարավորություն չունի բոլորը միանգամից վերանորոգելու։

Հեղինակ` Առաքել Տոնոյան