Փաստ ինֆո

«Այս հանդիպումով Ադրբեջանի նախագահին տրվեց ետ քայլ անելու հնարավորություն»,-  լրագրողների հետ հանդիպման ժամանակ ասաց քաղաքագետ  Ստեփան Սաֆարյանը ՝ անդրադառնալով Վիեննայում կայացած Փաշինյան – Ալիև հանդիպմանը՝ նշելով, որ  երեք տարի առաջ այս օրերին տեղի ունեցած պատերազմն ամենևին էլ չբարելավեց Ադրբեջանի դիրքերը, ավելին ՝ փակուղի մտցրեցին բանակցությունները։ Քաղաքագետը նաև հատուկ ուշադրություն հրավիրեց նրա բնորոշմամբ կարևոր հանգամանքի վրա, որ ԵԱՀԿ համանախագահների՝ Վիեննայի հանդիպման վերաբերյալ հաղորդագրության մեջ բառ անգամ չեք գտնի, որ այն համարվել է բանակցություն։ «Այն համարվել է հանդիպում, ինչը նշանակում է, որ այսպիսի հանդիպումներով պատրաստվում են բանակցությունների»,- ասաց բանախոսը։   

Կովկասի ինստիտուտի տնօրեն, քաղաքագետ Ալեքսանդր Իսկանդարյանի  ակնկալիքներն այս  հանդիպումից ևս արդարացել են։ «Բանակցություններն իմ գնահատմամբ լավ մակարդի վրա անցան։ Երկու կողմերն էլ արձանագրեցին,որ բանակցությունները պետք է շարունակվեն, ինչն էլ հենց ակնկալվում էր հանդիպումից»,-ասաց քաղաքագետը։

Ալեքսանդր Իսկանդարյանի բնորոշմամբ բանակցություններն անցել են բավական հաջող։ «Այն, որ բանակցությունները տեղի ունեցան այս ձևաչափով արդեն իսկ արդյունք է, իսկ Արցախը բանակցությունների սեղան վերադարձնելու հարցով կտրուկ փոփոխություն պետք չէր սպասել»,-նշեց նա։

Անդրադառնալով Մադրիդյան սկզբունքների հարցի՝ն Կովկասի ինստիտուտի տնօրենն ասաց. «Մադրիդյան սկզբունքներն այն լեզուն է, որով միջազգային հանրությունը պատրաստ է քննարկել Մինսկի խմբի գործընթացի շրջանակում: Այլ լեզու կամ փաստաթուղթ չկա։ Բանակցությունները Մադրիդյան սկզբունքներով կշարունակեն ընթանալ առաջիկա տարիներին»,- իր խոսքը եզրափակեց Ալեքսանդր Իսկանդարյանը։

Հեղինակ` Առաքել Տոնոյան