Փաստ ինֆո

Կանադացի լրագրող Ջոանա Չիուն (Joanna Chiu) հաղորդել է, որ իրեն հաջողվել է կանխել հասուն տղամարդու ոտնձգությունը դեռահաս աղջկա նկատմամբ: Այս ամենի մասին նա պատմել է Twitter-ում:

Նրա խոսքերով՝ նա եղել է բավական հոգնած,բայց չէր կարող չնկատել,թե ինչ է կատարվում հետևի շարքում: Մոտ 40 տարեկան տղամարդ փորձել է զրուցել դեռահասի հետ, ում նստացրել էին հարազատներից առանձին:
«Աղջիկը բարեհամբույր էր, և տղամարդը դա, կարծես, ընկալում էր, որպես ծանոթության համաձայնություն։ Հարցեր էր տալիս, ասում, որ ուզում է հրավիրել ճաշի, ինչն աղջիկն անտեսում էր։ Ես պետք է արթուն մնայի՝ հետագա ընթացքին ուշադիր լինելու համար», - պատմել է Չուին:
Որոշ ժամանակ անց նա լսել է, որ տղամարդն ինտիմ բնույթի նկար խնդրում աղջկանից: Ինքը բարկացել է եւ բարձրաձայն ասել, թե ինչ է մտածում նրա վարքագծի մասին, բայց տղամարդն առանց ինչ-որ բան ասելու գնացել է արտաքնոց:
Օգնության է հասել նաեւ Չուիի հարևանությամբ նստած կինը եւ դեռահասին ասել, որ նա կարող է նստել ուրիշ տեղ: Կանայք դիմել են թռիչքը սպասարկող անձնակազմին. նրանք պահանջել են, որպեսզի տղամարդը տեղափոխվի ուրիշ նստարանին, ինչին վերջինս ըմբոստացել է։ Անձնակազմն արձանագրություն է կազմել պատահածի մասին և շնորհակալություն հայտնոել միջամտած կանանց:
Չուին վրդովված էր, որ իրավիճակը նկատել էին միայն կին ուղևորները և «ոչ մի տղամարդ ուղևոր, կարծես, ուշադրություն չէր դարձրել պատահածին»:

Աղբյուր` Փաստինֆո