Փաստ ինֆո

Երեւան քաղաքի ընդհանուր իրավասության դատարանը դադարեցրել է առանձնապես խոշոր չափերի գումարի՝ շուրջ 110 մլն դրամի հափշտակության մեջ մեղադրվող ՀՀ ոստիկանության ՊՊԳ վարչության կարևորագույն օբյեկտների և հիմնարկ-ձեռնարկությունների պահպանության գնդի ավագ հաշվապահ Կարինե Միրզոյանի նկատմամբ քրեական հետապնդումը։

Նախնական քննության տվյալներով՝ Կարինե Միրզոյանը, 2014թ. հուլիսի 17-ից զբաղեցնելով ՀՀ ոստիկանության ՊՊԳ վարչության կարևորագույն օբյեկտների և հիմնարկ-ձեռնարկությունների պահպանության գնդի ավագ հաշվապահի պաշտոնը, ունենալով նույն գնդի ֆինանսական միջոցների կառավարումն իրականացնելու լիազորություններ, մաս- հափշտակել է 109.340.580 ՀՀ դրամ գումար: Ըստ ՀՔԾ-ի՝ հափշտակությունները կատարվել են տարիների ընթացքում՝
2015-2018թթ. ընթացքում։

Այսպես՝ ՀՀ ոստիկանության ՊՊԳ վարչության կարևորագույն օբյեկտների և հիմնարկ-ձեռնարկությունների պահպանության գնդի և մյուս կողմից Վահագն Մկրտչյանի, «ՄԼ Մայնինգ», «Ասինես», «Վրո», «Բյուրակն», «Իդրամ» ՍՊ ընկերությունների միջև պահպանություն իրականացնելու վերաբերյալ կնքված պայմանագրերի համաձայն՝ 2015-2018թթ. ընթացքում հիշյալ սուբյեկտներին պահպանության ծառայությունների մատուցման դիմաց հասանելիք առաձնապես խոշոր չափերի՝ 109.340.580 ՀՀ դրամ գումարը յուրաքանչյուր ամիս, կանխիկ եղանակով նույն գնդի ծառայողների կողմից նշված սուբյեկտներից ստացվել և գնդի համապատասխան հաշվեհամարին մուտքագրելու նպատակով հանձնվել են գնդի ավագ հաշվապահ Կարինե Միրզոյանին: Վերջինս նշված գումարը գնդի արտաբյուջետային հաշվեհամարին չի մուտքագրել եւ մաս-մաս յուրացրել է։

Նկատենք, որ ՀՔԾ-ն նշված գործով տարիներ շարունակ առանձնապես խոշոր չափերի գումար հափշտակելու համար մեղադրանք է առաջադրել միայն հաշվապահին։ Ասել է թե՝ որեւէ մեկին ոստիկանությունում չի անհանգստացրել, որ մի շարք ընկերություններ փաստացի չեն կատարում իրենց պարտավորությունը եւ չեն վճարում ոստիականության նշված ստորաբաժանման մատուցած ծառայությունների դիմաց։ Նշենք, որ այդ տարիներին ՀՀ ոստիկանապետն էր Վլադիմիր Գասպարյանը։

«Փաստինֆո»-ի հաղորդմամբ՝ հաշվապահին մեղադրանք էր առաջադրվել ՀՀ քրեական օրենսգրքի ՀՀ քրեական օրենսգրքի 179-րդ հոդվածի 3-րդ մասի 1-ին կետով, որը նախատեսում է հինգից ութ տարի ժամկետով ազատազրկում։ Նա ընդունել է առաջադրված մեղադրանքը եւ փոխհատուցել պատճառված վնասը։

Իսկ դատարանում արդեն միջնորդել է քննության արագացված կարգ կիրառել, ինչը դատարանը բավարարել է։ Արդյունքում կիրառել է ՀՀ ԱԺ «Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ հայտարարված համաներումը ու քրեական գործի վարույթը կարճել, իսկ հաշվապահի նկատմամբ էլ դադարեցրել քրեական հետապնդումը։

Լուսանկարում՝ ՀՀ նախկին ոստիկանապետ Վլադիմիր Գասպարյանը։

Աղբյուր` Փաստինֆո