Փաստ ինֆո

Նախորդ իշխանություններին  խնամի-ծանոթ-բարեկամ կամ հայրենակցական մոտիվներով   առաջնորդվելու համար կոշտ քննադատության ենթարկող ներկա իշխանությունը բոլորովին զերծ չէ այդ նույն մտայնություններից։ Ավելին, հիմա սրանց  ավելացել է սորոսականների թիմը, որը կարծես դժգոհություններ ունի վարչապետից և մի տեսակ ինքն իրեն վերահսկողական գործառույթ վերապահելով  իշխանությունների քայլերին է հետևում։ Ի դեպ՝ վերահսկողության իրենց այդ գործառույթի մասին հայտարարել է «Իմ քայլը» խմբակցության պատգամավոպը։

Այս առումով իսկապես,  լուրջ գործոն են նաև ներիշխանական թիմային բաժանումները՝ ավինյանական, միրզոյանական, պապիկյանական, սորոսական թիմերի միջև պայքարը,  մամուլի հրապարակումների համաձայն, գնալով ավելի է սրվում։   Այդ  տրամադրությունների վերաբերյալ լակմուսի թղթի նման  են կառավարության նիստերը, Ազգային Ժողովի իմքայլականների պահվածքը...

 Փոխվարչապետ Տիգրան Ավինյանը նույնիսկ համարվում է Փաշինյանի չհայտարարված մրցակիցը, կառավարության «գորշ կարդինալը»։ Թերեւս այդ առումով հետաքրքրական էր Վերմիշյանի նշանակումը։

Ավինյանի «կուռացիայի տակ» գտնվող քաղաքաշինության կոմիտեի նախագահ է նշանակվել Սուրեն Պապիկյանի  հովանավորյալ Վահագն Վերմիշյանը, որը նույնպես ծնունդով Ստեփանավանից է և տարիներ առաջ եղել է Ստեփանավան քաղաքի գլխավոր ճարտարապետը։  Սա այն դեպքում, երբ ներիշխանական տարբեր օղակներում քաղաքաշինության ոլորտը մեկ կադաստրի ոլորտին էին միացնում, մեկ էլ՝ ՏԿՆ-ին։

Գուցե  վարչապետն արդեն սկսել է զսպել փոխվարչապետի նկրտումները։

Հեղինակ` Արթուր Գահնապետյան