Փաստ ինֆո

Երեւանի ընդհանուր իրավասության դատարանը՝ դատավոր Մեսրոպ Մակյանի գլխավորությամբ, քիչ առաջ որոշեց դռնփակ շարոունակել ԲՀԿ-ական պատգամավոր Էդուարդ Բաբայանի գործով դատավարությունը։  Ընդ որում՝ նման միջնորդությամբ հանդես եկավ տուժող կողմը՝  վկաների հարցաքննության ավարտից հետո։

Տուժող կողմի հայտարարության համաձայն՝ դատական նիստի այս փուլը, որի ընթացքում պետք է քննվեն օպերատիվ հետախուզական միջոցառումների ընթացքում ձեռք բերված և դատարան ներկայացված տեսաձայնագրություններն ու գաղտնալսումները, պետք է անցկացվի դռնփակ. «Ներկայացված ձայնագրությունների վերաբերյալ կան արձանագրություններ, որ առնչվում են տուժողի և նրա մերձավորների մասնավոր կյանքին. Հարությունովը հեռախոսազրույց է ունեցել իր ընտանիքի անդամների, մասնավորապես` կնոջ և որդու հետ, ովքեր խոսել են տանից, և բնականաբար, չէին կարող կանխատեսել, որ հնարավոր է` գաղտնալսվեն: Այդ զրույցները վերաբերում են ինչպես նրանց անձնական կյանքին, այդպես էլ նրանց ընտանիքի արժանապատվությանը, հետևաբար` խնդրում ենք այս փուլը անցկացնել դռնփակ»,-նշեց Հարությունովի փաստաբան Բաբայանը` հավելելով, որ Հարությունովը ունի հիվանդություն, որը ևս չեն ցանկանում հայտնի դարձնել հանրությանը:

Հաշվի առնելով, որ տուժողի հարցաքննության ժամանակ տրվող հարցերը վերաբերելու են նաև այս ապացույցներին, փաստաբանը միջնորդեց տուժողի հարցաքննության փուլը ևս անցկացնել դռնփակ:

Մեղադրական կողմը միացավ տուժող կողմի միջնորդությանը` նշելով, որ դռնփակ անցկացնելը չի խախտի դատական նիստի հրապարակայնության սկզբունքը և կապահովի անձի մասնավոր կյանքի գաղտնիությունը:

Դատարանում սկսվել է ԲՀԿ-ական պատգամավոր Էդուարդ Բաբայանի գործով դատական նիստը

Գործով մեղադրող դատախազ Սարգսյանը առարկեց ներկայացված միջնորդությունը` պնդելով, որ բոլոր հեռախոսազրույցները վերաբերում են Էդուարդ Բաբայանին: Դատախազը ընդգծեց նաև, որ Հարությունովը բազում հարցազրույցներ է ունեցել, և այս միջնորդությունը հակասում է նրա` նախկինում դրսևորած վարքագծին:

Գագիկ Ծառուկյանի արարքներում հանցակազմ չի հայտնաբերվել. ՀՔԾ

Այնուամենայնիվ, դատարանը որոշեց միջնորդությունը բավարարել մասնակի և դռնփակ անցկացնել ապացույցների հետազոտման փուլը. «Արձանագրելով ներկայացված գաղտնալսումները և օպերատիվ հետախուզական միջոցառումները իրականացվել են օրինաչափ, բայց առանց ընտանիքի անդամների համաձայնության, հետևաբար` այնտեղ կարող է լինել ընտանիքին վերաբերող ինֆորմացիա, ինչը չի առնչի գործին: Չկարևորելով զրույցներում առկա հայհոյանքների հանգամանքը` դատավորն առավել էական համարեց, որ զրույցներում կարող է լինել մասնավոր կյանքիմ վերաբերող տեղեկություն, ինչը ավելի բացարձակ է, քան դատական նիստի հրապարակայնությունը»,- նշեց դատավոր Մակյանը:

Դատական նիստի մասին մանրամասներն՝ ավելի ուշ։

Հեղինակ` Միլենա Խաչիկյան