Փաստ ինֆո

Քրեական հեղինակություն համարվող Թևոս Սաֆարյանի եղբոր սպանության կազմակերպման մեջ մեղադրվող Իսրայել Սարգսյանը շարունակում է հացադուլը: Այս մասին «Փաստինֆո»-ին հայտնեց Քրեակատարողական ծառայության հանրային կապերի բաժնի պետ Նոնա Նավիկյանը:

Վերջինիս խոսքով՝ մարտի 13-ից հացադուլի մեջ գտնվող Իսրայել Սարգսյանի առողջական վիճակը գնահատվում է բավարար:

Ավելի վաղ տեղեկացրել ենք, որ նրա բողոքը վերաբերում է քրեական գործին եւ այս օրերին, Ն.Նավիկյանի փոխանցմամբ, հացադուլավորի հետ հանդիպել է  ՀՀ գլխավոր դատախազության պատիժների և հարկադրանքի այլ միջոցների կիրառման օրինականության նկատմամբ հսկողության վարչության դատախազը:

{{news_45614}

Հիշեցնենք որ Իսրայել Սարգսյանը Երեւանի ընդհանուր իրավասության դատարանի՝ 20.12.17 թ. դատավճռով դատապարտվել է 25 տարվա ազատազրկման՝ մեղավոր ճանաչվելով Թևոս Սաֆարյանի եղբոր սպանությունը կազմակերպելու, այդ հանցագործությունը թաքցնելու համար Մովսես Ներսիսյանին սպանելու համար, ինչի դեմ ներկայացվել է վերաքննիչ բողոք։

Նախատեսվում է, որ այսօր Վերաքննիչ քրեական դատարանում կշարունակվի բողոքի քննությունը, որի ժամանակ Իսրայել Սարգսյանը հանդես կգա հայտարարությամբ։

Հեղինակ` Գեւորգ Մողրովյան