Փաստ ինֆո

Մինչ սրճարանների աշխատակիցներթ բողոքում են ու ճանապարհ փակում՝ քաղաքապետարանը շարունակում է ապամոնատժման աշխատանքները։

12։53 Բողոքի ակցիաները կշարունակվեն, քանի դեռ քաղաքապետը չի եկել մեզ հետ հանդիպել: 300 աշխատակից աշխատանքը կկորցնի քանդման արդյունքում, հայտարարում են ցուցարարները:

12։50 Ուզում ենք քաղաքապետին տեսնել, հեղափոխություն ենք արել, որ անգործ մնանք. գնացել ենք երեկ քաղաքապետարան, քաղաքապետը փախավ, դուրս չեկավ: Պահանջում ենք քաղաքապետին, թող քանդի Բեգլարյանինը, Մնացականյանինը,- հայտարարում են սրճարանների աշխատակիցները, ովքեր կանգնած են աշխատանքը կորցնելու վտանգի առաջ։

12։46 Ցուցարարները Մաշտոցի պողոտայից դուրս գալով փակում են Թումանյան փողոցը։ Նստացույցը տեղափոխվեց այնտեղ։

12։43 Քաղաքային իշխանությունների կողմից՝ ոչ մի արձագանք: Լրատվամիջոցներն են արձանագրում իրադարձությունների ընթացքը: Մաշտոցի պողոտայում որոշ չափով վերականգնվել է երթևեկը, հարևանությամբ շտապօգնության մեքենա է կանգնած, որ օգնություն ցույց տա անհրաժեշտության դեպքում: Ցուցարարներից որոշները նշում են, որ իրոնց գործունեությունն օրինական է, այլապես իրենք դուրս չէին գա։

12։40 Արդեն ոստիկաններն ավելի ագրեսիվ սկսել են ուժ կիրառել՝ բոլոր կողմերից մոտենալով փորձում են հեռացնել տարածքից:

12։30 ոստիկանությունը փորձում է հեռացնել ցուցարարներին։ Ակտիվիստ Նարեկ Մանթաշյանի փոխանցմամբ՝ կան բերման ենթարկվածներ։

12։27 Ցուցարարները փորձում են աղբամանների միջոցով փակել փողոցը, իսկ ոստիկանները փորձում են հեռացնել նրանց, Ամոթ, ամոթ՝ վանկարկում են ցուցարարները ի պատասխան ոստիկանների։

12.24 Բարիկադներ կառուցեք, նստեք, պայքարեք ձեր իրավունքների և աշխատանքի համա՝ երիտասարդներին կոչ է անում ավելի տարեց մի ցուցարար: Ցուցարարները պահանջում են քաղաքապետին։

12.17 Հիմնականում երիտասարդներից բաղկացած ցուցարարները պառկել են գետնին՝ Մաշտոցի պողոտա-Թումանյան փողոց հատվածում խանգարելով երթևեկությանը և դժվարություններ ստեղծելով ոստիկանների համար: Ցուցարարները վանկարկում են ,,թողեք աշխատենք,,, պարբերաբար հրավիրելով Երևանի քաղաքապետին, որն, ըստ ցուցարարների՝ ստախոս է և խաբել է իրենց:

Ալ. Սպենդիարյանի անվան օեպրայի և բալետի ազգային ակադեմիական թատրոնի հարակից տարածքում ապամոնտաժվող սրճարանների աշխատակիցները փակել են Մաշտոցի պողոտան։ Ոստիկանական ուժերը փորձում են ազատել փողոցը։  Քիչ առաջ բախում տեղի ունեցավ ցուցարարների և ոստիկանների միջև։  Մի շարք ցուցարարները նիստել են փողոցում եւ հայտարարել  նստացույց։

Ոմանք վանկարկում են «Նիկո՛լ, հեռացիր» և « Թողեք աշխատենք»։

Նշենք, որ ապամոնտաժման աշխատանքներն սկսվել են երեկ, որն ընդհատվել էր, քանի որ պայմանավորվածությւոն էր ձեռք բերվել հանդիպման վերաբերյալ։ Նախօրեին երեկոյան Երևանի քաղաքապետարանում տեղի է ունեցել հանդիպում քաղաքապետարանի համապատասխան վարչության պետերի և Կենտրոն վարչական շրջանի ղեկավար Վիկտոր Մնացականյանի հետ։ Սակայնքաղաքապետարանն այսօր հայտարարեց  սրճարանների ապամոնտաժման աշխատանքները շարունակելու մտադրության մասին, որոնք վերսկսվեցին այսօր՝ առավոտյան։

 Ուղիղ միացումը՝ tert.am-ի

Աղբյուր` Փաստինֆո