Փաստ ինֆո

«Հայելի»  մամուլի ակումբի ղեակավար Անժելա Թովմասյանը եւ «Հրապարակ» օրաթերթի գլխավոր խմբագիր Արմինե Օհանյանը հայտարարել են, որ  պատրասատվում են դատարանում վիճարկել  քաղաքապետ Հայկ Մարությանի  որոշումը, որով պահանջվել է մի շարք խմբագրություններից ազատել Բյուզանդի 1/3 շենքում զբաղեցրած տարածքները։

Նշենք, որ ծանուցումներ ստացել են հիշյալ հասցեում գտնվող բոլոր խմբագրությունները՝ «Հրապարակ» օրաթերթ, «ԱՌԿԱ» և «Նյութ» լրատվական գործակալություններ, «Հայելի» մամուլի ակումբ, «Անդին» գրական հանդես, և այլն, որոնց քաղաքապետը 5 օր ժամանակ է տվել խմբագիրներին տարածք ազատելու համար։ Այսօր խմագիրներն ասուլիս էին հրավիրել հարցի հետ կապված՝ քաղաքապետի նման քայլը գնահատելով որպես ճնշում։

Անժելա Թովմասյանի խոսքով  իրենք սպասում էին նման քայլերի, բայց ոչ այս  արագությամբ։

«Բայց մեկ բան հստակ է՝ խոստանում եմ, որ այս ամենը հեշտ չի մարսվելու։ Նախկինում, երբ խոսքի ազատության հետ կապված որևէ սխալ որոշում էր ընդունվում, բոլոր դեսպաններն արձագանքում էին,  սպասում եմ, որ այս որոշման վերաբերյալ ևս կլինի որոշակի արձագանք»,- ասաց Անժելա Թովմասյանը։
Նա նաև ներկայիս իշխանություններին, մասնավորապես՝ վարչապետ Նիկոլ Փաշինյանին, հիշեցրեց, որ այն ժամանակ, երբ նրանք ընդդիմադիր էին, իր ակումբն այն առաջիններից էր, որը նրանց հարթակ էր տրամադրում։

Վերջնագրերով խոսելը չի կարող է ինչ-որ լավ բանի հանգեցնել. Սաթիկ Սեյրանյանը՝ մամուլի դեմ արշավի մասին

«Անդին »  ամսագրի  խմբագրական խորհրդի նախագահ  Մերուժան  Տեր-Գուլանյանը քաղաքապետի նման որոշումը  անհարգալից վերաբերմունք  որակեց   մամուլի նկատմամբ,իսկ ուղարկված ծանուցումները՝  վերջնագիր։ Գուլանյանը հիշեց,որ երբ  զբաղեցրել են իրենց  հատկացված տարածքները դրանք ավերակ են եղել,բայց իրենք տարիների ընթացքում հսկայական  գումարներ  են ծախսել,որպեսզի  այն վերածվի աշխատատեղի,իսկ նախկին քաղաքապետը տեսնելով այդ ամենը որոշեց  տարածքն անհատույց ժամանակով տրամադրել  խմբագրություններին։

Մերուժան Տեր-Գուլանյանը քաղաքապետ Հայկ Մարությանին հորդորեց  նման տոնով չխոսել մամուլի հետ,քանզի դա  խաղ է կրակի հետ և շեշտեց՝չի կարելի  վերջնագրով խոսել մամուլի հետ։

Քաղաքապետարանի ծանուցումը ստացած «Հրապարակ»  օրաթերթի  գլխավոր խմբագիր  Արմինե Օհանյանն էլ  հայտնեց՝քաղաքապետարանի ստացած ծանուցումների մեջ գրված է,որ այս որոշման պատճառը  գույքն արդյունավետ օգտագործելու նպատակն է՝ նշելով, որ այնքան արդյունավետ, որքան իրենք են օգտագործում այդ տարածքը դժվար է պատկերացնել,իսկ հանրային արդյունավետության մասին խոսք անգամ լինել չի կարող :

Խմբագիրը հայտարարեց, որ մեկ ամիս առաջ նորոգում են կատարել նշված տարածքում «Ո՞վ է փոխհատուցելու այդ ծախսերը: Մենք լիարժեք իրավունք ունենք շարունակել մեր գործունեությունը հենց այս շենքում»,- եզրափակեց Ա. Օհանյանը:

Աղբյուր` Փաստինֆո