Փաստ ինֆո

Վերաքննիչ քրեական դատարանում այսօր կշարունակվի ՀՀ երկրորդ նախագահ Ռոբերտ Քոչարյանին կալանավորելու դատարանի որոշման դեմ պաշտպանների բողոքի քննությունը։

Ավելի վաղ «Փաստինֆո»-ն տեղեկացրել է, որ Երևան քաղաքի ընդհանուր իրավասության դատարանթ 18.01.2019 թ․ որոշմամբ, բավարարվել էր Հատուկ քննչական ծառայության քննիչի միջնորդությունը՝ Ռոբերտ Քոչարյանի նկատմամբ որպես խափանման միջոց ընտրված կալանավորումը եւս երկու ամսով երկարացնելու մասին, եւ մերժել կալանվորումը  այլընտրանքային խափանման միջոց գրավով փոխարինելու վերաբերյալ պաշտպանների միջնորդությունը:

Դատարանի այս որոշման դեմ էլ փաստաբանական խումբը վերաքննիչ բողոք է ներկայացրել:

Նիստը նախատեսված է ժամը 12-ին։

ՍԴ աշխատակարգային որոշումից հետո Քոչարյանի պաշտպանական խմբի անդամ, սահմանադրագետ Արա Վարդեւանյանը «Փաստինֆո»-ին հայտնել է, որ աշխատակարգային որոշմամբ ՍԴ-ն արձանագրել է, որ եթե դատարանները նկատում են, որ նորմի կիրառությունը առաջացնում են սահմանադրականության խնդիր, պարտավոր են դիմել ՍԴ։ Հետեւապես բոլոր այն դատարանները, որոնք գտնում են, որ անձեռնմխելիության հարցին վճռաբեկ դատարանի իրավական դիրքորոշման լույսի ներքո կարող են վերջնական գնահատական տալ ուղղակիորեն խախտելու են ՀՀ Սահմանադրության իրավական պետության սկզբունքը, որից բխում է, որ սահմանադրական դատարանի իրավական դիրքորոշումները պարտադիր կատարման ենթակա են։ Իսկ Սահմանադրական դատարանը տառացի ու ուղղակիորեն արձանագրեց, որ սահմանադրական նորմերի վերաբերյալ վերջնական լուծում տալու լիազորությունը բացառությամբ վերապահված է իրենց։

Աղբյուր` Փաստինֆո