Փաստ ինֆո

Ազգային անվտանգության ծառայությունը նախարարություն դարձնելով վտանգ կա, որ այն կքաղաքականացվի, այսօր լրագրողների հետ ճեպազրույցում ասաց ԱԱԾ տնօրեն Արթուր Վանեցյանը` նշելով, որ եթե նման քաղաքական որոշում կայացվի, ապա կենթարկվի այդ որոշմանը:

«Ես կենթարկվեմ ցանկացած քաղաքական որոշման։ Եթե որոշվի, որ ԱԱԾ-ն պետք է դառնա նախարարություն, իհարկե, ես պարտավոր եմ ենթարկվել այդ որոշմանը, բայց նաև ուզում եմ ասել, որ ամեն դեպքում, նախարարը քաղաքական պաշտոն է։ Եթե ԱԱԾ նախարարը լինի քաղաքական գործիչ ու զբաղվի քաղաքականությամբ, փորձելու է, ուզի թե չուզի, առաջ տանել իրենց քաղաքական ուժի... Քաղաքականացվելու է», - ասաց Արթուր Վանեցյանը։

Դիտարկմանը, որ այս դեպքում ստացվում է բանակը քաղաքականացված է, քանի որ նախարարության ենթակայության տակ է՝ ԱԱԾ տնօերնն արձագանքեց.

«Բանակը նախարար ունի, բայց ունի նաև Գլխավոր շտաբի պետ, որը որևէ կապ չունի քաղաքականության հետ ու իրականացնում է զորքի անմիջական ղեկավարումը»:Հարցին, թե այդ դեպքում ԶՈւ-ն եւս ունի նախարար, ուրեմն նույնպես քաղաքականացված է, նա պատասխանեց. «Բանակն ունի զինված ուժերի գլխավոր շտաբի պետ, բանակի ղեկավարը հանդիսանում է ԶՈՒ ԳՇ պետը, իսկ պաշտպանության նախարարը իրականացնում է օրենքով իրեն վերապահված լիազորությունները»,-նշեց նա:

Աղբյուր` Փաստինֆո