Փաստ ինֆո

ՀՀ վարչապետ Նիկոլ Փաշինյանը հայտարարել է, որ ՊԵԿ-ի պարգեւատրումների  ֆոնդը կկրճատվի, եւ ընդհանրապես կբարեփոխվի պետական կառավարման ոլորտում պարգեւատրումների համակարգը։

 «Ես ուզում եմ տեղյակ լինեք, որ մենք այդ պրոբլեմը ֆիքսել ենք, և 2019 թվականի համար Պետական եկամուտների կոմիտեի պարգևատրումների ֆոնդը ուղիղ կիսով չափ կրճատվել է»,- այս մասին այսօր հայտարարել է վարչապետ Նիկոլ Փաշինյանը՝  ՊԵԿ-ում պարգևատրումների վերաբերյալ պատասխանելով լրագրողների հարցերին։

Նրա խոսքերով՝   ամբողջ պետական կառավարման համար հավասար 30 տոկոս պարգաևտրման ֆոնդ է սահմանվել: «Ես հույս ունեմ, որ այս պրոցեսը մինչև վերջին անկյունը կբացվի, այսինքն` կիմանանք բոլորս՝ ով ինչքան է ստացել, երբ է ստացել, հետո խորհրդարանում մենք կունենանք քննարկում, թե ինչպես ենք վարվում այս վիճակի հետ: Այս քննարկումների արդյունքում մենք կնայենք, թե որտեղ ենք սխալվել և ինչ պետք է անենք այդ սխալն ուղղելու համար»,- ասաց Փաշինյանը:

Նա նշեց, որ չգիտի՝ նախկինում կա՞ր մարզպետ, որի համար իր 400 կամ 600 հազար դրամ աշխատավարձը կարևոր էր, թե չէ, բայց կարող է հավատացնել, որ այսօր ՀՀ մարզպետների, 90 և ավելի տոկոսի համար այդ աշխատավարձը կարևոր է:

Աղբյուր` Փաստինֆո