Փաստ ինֆո

ՀՀ ոստիկանապետի նախկին խորհրդական, ցմահ ազատազրկված Մհեր Ենոքայանին ներում շնորհելու դեմ հրապարակային և ֆեյսբուքյան ակցիաներ կազմակերպող Նարեկ Մալյանը իր ֆեյսբուքյան լայվում հայտնել է, որ պաշտպանելու է «Սասնա ծռերին» բուժօգնույթուն ցույց տված բժիշկների իրավունքները:

Նա մասնավորապես ասել է.

«Բժիշկները, սովորաբար, ոնց որ ավելի քիչ լաչառ են ավելի քիչ աղմկարար են ու իրենց իրավունքները քիչ պաշտպանված են մեր երկրում, ու ոնց որ էդ միսիան մնաց իմ վրա ու ես ստիպված պտի հրապարակումներ անեմ էդ թեմայով»,- հայտարարել է ոստիկանաապետի նախկին խորհրդականը։

Դատարանը որոշում է կայացրել՝ Բժիշկներ Անահիտ Ենգիբարյանին ու Հովհաննես Հովհաննիսյանին բերման ենթարկել։

«Գիտե՞ք ինչումն է իրենց մեղքը, որ իրենք ՊՊԾ գնդի վրա երբ զինված հարձակում էր իրականացվել, ես ենթադրում եմ՝ նաև շտապօգնության կանչով, իրենք բժշկական օգնություն են ցուցաբերել։ Հիմա դատարանը կանչում է, որպեսզի նրանք վկայություն տան, խոսքը, մասնավորապես, Անահիտ Ենգիբարյանի մասին է, նա տարբեր պատճառաբանություններով հրաժարվում է գա դատարան ու դատարանը կայացրել է նրանց դատարան բերման ենթարկելու որոշում»,- պարզաբանեց Նարեկ Մալյանը։

Նա նշել է, որ մեծ հաշվով, սխալ չէ, թող գնան ցուցմունք տան, բայց առաջարկեց թեորիապես մի սցենար դիտարկել՝ իսկ հնարավո՞ր է, որ նույն գործի շրջանակներում ծանր հանցագործությունների համար դատապարտվածներին, որոնք, Նարեկի խոսքով՝ խումբ-խումբ ազատվել են, այսինքն՝ «Սասնա ծռերը», կարո՞ղ է նրանք ազդում են այդ բժիշկների վրա։

Նարեկը հարցնում է՝ կարո՞ղ է պետք չէր ծանր հանցագործության մեջ մեղադրվողներին բաց թողնել, հետո ստիպել բժիշկներին ցուցմունք տալ։ Ի՞նչ են ակնկալում բժիշկներից։

Աղբյուր` Փաստինֆո