Փաստ ինֆո

Նաիրա Զոհրաբյանը լրագրողների հետ զրույցումանդրադարձել է Էդուարդ Շարմազանովի հայտարարություններին: Նա մասնավորապես ասել է.
 
«Ես հասկանում եմ, որ տարբեր քաղաքական գործիչներ կարող են քաղաքական կոռեկտության, քաղաքական լեքսիկոնի հետ կապված խնդիրներ ունենալ: Կապրենք՝ կտեսնենք, կաշխատենք՝ կտեսնենք, թե ինչպիսի ընդդիմություն կլինի «Բարգավաճ Հայաստանը» և ընդհանրապես ինչպիսին կլինի այս խորհրդարանը:

Այնպես որ՝ ես խորհուրդ չեմ տալիս որևէ մեկին կանխակալ գնահատականներ հնչեցնել և հատկապես «Բարգավաճ Հայաստանի» մասով»,- այսօր ԱԺ-ում լրագրողների հետ զրույցում հայտարարեց ԲՀԿ պատգամավոր Նաիրա Զոհրաբյանը՝ պատասխանելով ՀՀԿ խոսնակ, ԱԺ նախկին փոխնախագահ Էդուարդ Շարմազանովի հայտարարությանը, որ «Իմ քայլը» նմանեցրել է Կոմկուսին, իսկ ընդդիմադիր ուժերին՝ նրա արբայնակներին, կամ «Նիկոլի ֆաներին»:

Ըստ Զոհրաբյանի՝ իրենք կողմ են կոռեկտ փոխհարաբերությունների բոլորի հետ՝ թե խորհրդարանում առկա, թե խորհրդարանից դուրս գտնվող քաղաքական ուժերի, իսկ ով խախտեց կոռեկտության սահմանը, բնականաբար, պատասխանը մի քանի անգամ ավելի ստանալու է: 

«Ես ընդհանրապես կողմ եմ «ակն ընդ ական, ատամն ընդ ատաման» սկզբունքին»,- ասել է Նաիրա Զոհրաբյանը:

Աղբյուր` Փաստինֆո