Փաստ ինֆո

Հունվարի 7-ին, ժամը 13:09-ին «911» ծառայությանն ահազանգ է ստացվել, որ Երևան քաղաքի Նուբարաշեն 6-րդ փողոցի 1-ին նրբանցքի թիվ 1 շենքի բնակարաններից մեկի բնակիչները չեն արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները բացել են Բ. Ա.-ի բնակարանի դուռը:

Փրկարարները պատուհանի ճաղավանդակները բացելուց հետո ներս են մտել և Խոհանոցի լվացարանի մոտ՝ հատակին ընկած, հայտնաբերել կնոջ՝ 86-ամյա Քնարիկ Ապրեսյանի ամուսնու՝ 81-ամյա Բորիս Ապրեսյանի դիերը:

Ինչպես տեղեկանում ենք shamshyan.com-ից, դեպքի վայր է ժամանել նաև ոստիկանության Էրեբունու բաժնի օպերատիվ խումբը՝ բաժնի պետ Վարդան Վարդանյանի, բաժնի պետի օպերգծով տեղակալ Մամիկոն Հակոբյանի գլխավորությամբ:

Ժամանել է նաև ոստիկանության Նուբարաշենի բաժանմունքի օպերատիվ խումբը՝ բաժանմունքի պետի տեղակալ Գևորգ Գրիգորյանի և քրեական հետախուզության խմբի ավագ օպերլիզոր Արթուր Սահակյանի գլխավորությամբ:

Այս պահին դեպքի վայրի զննություն են կատարում Հայաստանի քննչական կոմիտեի, Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի խումբը՝ բաժնի պետ արդարադատության գեներալ-մայոր Արթուր Գոյունյանի և հատկապես կարևոր գործերով ավագ քննիչ Արթուր Կարապետյանի գլխավորությամբ:

Փաստի առթիվ Ա. Կարապետյանի կողմից նյութեր են նախապատրաստվում, նշանակվել են մի շարք փորձաքննություններ, այդ թվում՝ դիակների դատաբժշկական: 

Աղբյուր` Փաստինֆո