Փաստ ինֆո

«Մարտի 1»-ի քրեական գործով քննչական խմբի նախկին ղեկավար Վահագն Հարությունյանի գնահատմամբ՝ 1000 պարկուճ կեղծելու մասին իրեն անհիմն վերագրվող մեղադրանքով ՀՔԾ-ն փորձելու է արդարացնել մարտի 1-ին արձանագրված 10 մահվան դեպքերը բացահայտելու խոստումների ձախողումը։

Նրանք կփորձեն իրենց ոչ ձեռնահասությունը, ինչպես նաև սպանությունները չբացահայտելու օբյեկտիվ պատճառները, թեպետ օբյեկտիվը նրանք մոռացել են, ամեն ինչ բարդել իրենց իսկ հորինած կեղծված ապացույցների վրա և մեկնաբանել. «Ես լսեցի, որ նա (ՀՔԾ պետը-խմբ) ասում էր, որ պարզել են, թե ով է սպանել զինվորական Տիգրան Աբգարյանին, և էս պարկուճների հետ արված հեքիաթը միանգամից լուծում է ևս մեկ խնդիր։ Նրանք կփորձեն իրենց ոչ ձեռնահասությունը, ինչպես նաև սպանությունները չբացահայտելու օբյեկտիվ պատճառները, բարդել իրենց իսկ հորինած կեղծված ապացույցների վրա և մեկնաբանել, որ սպանությունները, տեսեք, չենք կարողանում բացահայտել, շատ ենք ուզում, բայց նենց են արել, որ էլ չենք կարողանում… Կներեք, ժողովուրդ ջան», - armdaily.am-ին տված հարցազրույցում ասել է Վ.Հարությունյանը՝ ավելացնելով. «ղալաթ են արել, գլուխները պատին են տվել, որովհետև դա էլ տենց չի»։

Վ.Հարությունյանի խոսքերով՝ 10-ից 3-ի մահը հաստատված հանգամանքներով վրա է հասել «Չերյոմուխա-7» հատուկ միջոցից արձակված գնդակներով, 1-ը պայթյունի արդյունքում, մեկն էլ բութ գործիքի արդյունքում։ «Այսինքն՝ 10-ից 5-ի դեպքում պարկուճները բացառվեցին, որևէ կապ դրանք պարկուճների հետ չէին կարող ունենալ»,- նկատել է Վ.Հարությունյանը։ Ըստ նրա՝ հրազենային վնասվածք ստացել է 5 անձ, որից 2-ը միջանցիկ հրազենային վնասվածքներ են, այսինքն՝ գնդակը չի հայտնաբերվել, և այն կրակող զենքի հետ հնարավոր չէ համեմատել։

Այսինքն՝ 2 մարդու մահվան հանգամանքն էլ պարկուճի հետ չի կարող կապվել, որովհետև առանց գնդակի՝ միայն պարկուճով ոչինչ չես կարող որոշել։ Երկու հոգին մահացել են «Մակարով» տեսակի ատրճանակից արձակված գնդակից։ ՀՔԾ-ն ինձ մեղադրում է, որ իբրև կեղծել ենք ինքնաձիգներից արձակված պարկուճները, այսինքն՝ այս 2-ն էլ բացառվեցին։ Մնաց մեկ գնդակ։ Այն էլ՝ 5.45 տրամաչափի ինքնաձիգից արձակված գնդակ է։ Չլինեմ սուբյեկտիվ, բայց 5.45 տրամաչափի ինքնաձիգ ԶՈՒ-ում կամ չեն օգտագործվում, կամ շատ հազվադեպ»,- հայտարարել է Վահագն Հարությունյանը՝ պնդելով, որ իրեն առաջադրված մեղադրանքը «շինծու» է։

Աղբյուր` Փաստինֆո