Փաստ ինֆո

«Москва 24»-ի փոխանցմամբ՝ Տուպասում 19-ամյա աղջկա նկատմամբ քրեական գործ է հարուցվել՝ ուրիշի առողջությանը դիտավորությամբ ծանր մարմնական վնաս պատճառելու համար այն բանից հետո, երբ  դիմադրություն է ցուցաբերել ենթադրյալ բռնարարին։

Հեռուստաալիքի տվյալներով՝ դեպքը տեղի է ունեցել հունիսին, երբ աղջիկն այնտեղ է գնացել հանգստանալու Մերձմոսկվայից։ Ուշ երեկոյան ալկոհոլի ազդեցության տակ գտնվող մի տղամարդ հետապնդել է նրան։ Վերջինս ստիպված է եղել ինքնուրույն պաշտպանվել՝ մատիտը մաքրող դանակի օգնությամբ։ Հետապնդվողից ազատվելով աղջիկը չի դիմել ոստիկանություն եւ հեռացել է քաղաքից՝ վերադառնալով տուն։

Մեկ ամիս անց՝ աղջկան այցելել են իրավապահ մարմինների աշխատակիցները եւ հայտնել, որ իրենց է դիմել  հարավում նրան հետապնդած տղամարդը և հայտնել, որ վնասվածքներ է ստանել ստամոքսի, թոքերի հատվածում։ Տղամարդն իր հաղորդման մեջ գրել է, թե  «լուսնի տակ աղջկա համար բանաստեղծություն է կարդացել, երբ նա դանակով հարձակվել է իր վրա»։

Հեռուստաալիքի փորձագետները նշել են, որ աղջկա հիմնական սխալը եղել է այն, որ նա անձամբ կատարվածի մասին հաղորդում չի ներկայացրել։ Ներկայումս հենց աղջկան է սպառնում մինչեւ 8 տարվա ազատազրկում։

Առողջապահական համաշխարհային կազմակերպության տվյալներով՝ սեռական բռնության է ենթարկվում յուրաքանչյուր 5-րդ կինը եւ տղամարդկանց 5-10 տոկոսը։ Տուժածներից միայն 10-12 տոկոսն է դիմում իրավապահներին։

Աղբյուր` Փաստինֆո