Փաստ ինֆո

Երկար տարիներ հանրությանը շատերը ներշնչել էին, թե իրենց դեմը խաղ չկա, թե իրենք տենց ուժեղ, «բոեւիկ» տղերք են, հիմա մկան ծակին 10 շահի են տալիս։ Աշտարակում «Իմ քայլը» դաշինքի նախընտրական քարոզարշավի ժամանակ այսօր նման հայտարարությամբ է հանդես եկել ՀՀ վարչապետի պաշտոնակատար Նիկոլ Փաշինյանը։

Նա անդրադարձել է ՀՀԿ փոխնախագահ Արմեն Աշոտյանի հայտարարությանը, թե դատի կտան առաջին փոխվարչապետի պաշտոնակատար Արարատ Միրզոյանին ՀՀԿ-ին «թալանչիների բանդա» անվանելու համար։․ «Մեզ ասում ա՝ դատի ենք տալու, որ ասել են՝ ՀՀԿ-ն «թալանչիների բանդա» է, դե հեսա կտեսնենք, ով ում դատի կտա, բոլոր սերմացու մկներին հատ-հատ կբերենք դատարան»,-ասել է Փաշինյանը։

Վարչապետի պաշտոնակատարը նկատել է, որ այսօր Ազգային ժողովում պիտի քննարկվեր 3-րդ հանրապետության պատմության մեջ ամենախոշոր կոռուպցիոն քրեական գործի հետ կապված հարց, դեռևս պատգամավոր Արամ Հարությանին որպես մեղադրյալ ներգրավելու միջնորդությունը։ «Բա ի՞նչ էիք մտածում, բա հո՞ մարդիկ անիմաստ գործի չէին գալիս-գնում, 14 միլիոն, բա հո՞ իրանք տենց «մելկիյ» տղերք չեն, բա պիտի 14 միլիոն լինի, 20, 30, 50, 500 միլիարդ։ Բայց Ազգային ժողովում քվորում չկա, դրա համար էլ մենք էդ ԱԺ-ն ցրեցինք»,-նշել է նա։

Փաշինյանը շեշտում է՝ կապ չունի, դեկտեմբերի 9-ին նոր խորհրդարանը կընտրվի, Արամ Հարությունյանը իր պատգամավորական անձեռմխելիությունը կկորցնի և քրեական գործն իր բնական հունով կընթանա։

«Կառավարությունը ունի բոլոր լծակները դատական համակարգում նույնպես հեղափոխություն անելու համար, քանի որ Հայաստանի դատական համակարգում շատ մեծ թիվ են կազմում կոռումպացված, թալանչի դատավորները, այդ դատավորներին էլ հատ-հատ բերելու ենք պատասխանատվության, մարդկանց ապօրինի լցրել են բանտերը, ՄԻԵԴ-ը սկսել է Մարտի 1-ի գործով վճիռներ կայացնել, տասնյակ վճիռներ, էդ դատավորներին թվում է՝ մարսելո՞ւ են»,-շեշտել է Ն.Փաշինյանը։

Աղբյուր` Փաստինֆո