Փաստ ինֆո

Ֆլորիդայի բնակչին մեղադրանք է առաջադրվել 7 ամսական աղջկան սպանելու համար։ Փոքրիկն ստացած մարմնական վնասվածքերից մահացել է հիվանդանոցում։

The Sun-ի փոխանցմամբ՝ 29-ամյա Արտյոմ Էյդելմանը ծեծել է նորածնին, ուժեղ սեղմել, քանի որ չի ցանկացել փոխել երեխայի տակդիրը։ Արդյունքում՝ փոքրիկն ստացել է կողոսկրերի եւ գանգի կոտրվածք։

Տղամարդը չի եղել նորածնի կենսաբանական հայրը, բայց ճանաչել էր հայրությունը եւ ծննդյան վկայականում նա էր նշվել որպես հայր։ Վերջինս հոգ է տարել փոքրիկի մասին, երբ նրա մայրն աշխատանքի էր գնում։

Մեղադրյալը պնդել է, թե կերակրել է երեխային, պառկեցրել քնելու եւ ինքը եւս քնել, իսկ 15 րոպե անց արթնանալով նկատել է, որ երեխան չի շնչում։

Սակայն նրա ներկայացրած վարկածը չի համընկել ոստիկանության պարզած հանգամանքների հետ։ Փոքրիկի մայրն ասել է, որ պատկերացում չի ունեցել Արտյոմի դաժան վերաբերմունքի մասին։

Նա պատմել է, որ դեպքի օրն ընդմիջմանը տուն է գնացել՝ տեսնելու, թե ինչպես է երեխան եւ ամեն բան կարգին է եղել։ Արտյոմը պատմել է, որ գնացել են զբոսանքը։ «Ես միայն տեսել եմ, թե որքան բարի եւ նուրբ էր նա աղջկա նկատմամբ, նա այնքան շատ էր սիրում փոքրիկին»,- ասել է մայրը։

Աղբյուր` Փաստինֆո