Փաստ ինֆո

ՀՀ վարչապետի պաշտոնակատար, «Իմ քայլը» դաշինքի նախընտրական ցուցակը գլխավորող Նիկոլ Փաշինյանը շարունակոմ է պնդել՝ ինքը ՀՀ առաջին ղեկավարն է, ում որդին զինվորական ծառայություն է անցնում ԼՂ Հանրապետությունում:

Փաշինյանը կոչ արեց մամուլին չշահարկել իր այս հայտարարությունը:

«Այս շարքում նկատի եմ ունեցել Լևոն Տեր-Պետրոսյանին, Սերժ Սարգսյանին, Ռոբերտ Քոչարյանին և ինձ: Սերժ Սարգսյանը տղա չի ունեցել, Լևոն Տեր-Պետրոյանի որդին, եթե չեմ սխալվում, Շամշադինում է ծառայությունն անցել, ու մեկնաբանություններ տեսա, թե դրանք պաշտոնական շահարկումներ են ու Քոչարյանի տղաները ևս ծառայել են», - նշեց Փաշինյանը՝ հակադարձելով՝ դրանք շահարկումներ չեն ու իրեն տրամադրվել են պաշտոնական տեղեկանքներ առ այն, թե ինչպիսի ծառայություն են անցել Ռոբերտ Քոչարյանի որդիները:

«Ռոբերտ Քոչարյանի երկու որդիները ծառայել են Երևանում, ոչ մի գիշեր չեն անցկացրել որևէ զորամասում, ծառայել են ՊՆ վարչական մասում, մյուս որդին էլ ծառայել է որպես վարորդ: Պետական ավտոն դրել են տակը, որտեղ ուզել, գնացել է պետության ավտոյի, բենզինի հաշվին: Ինչո՞ւ եք տենց ոգևորվել: Ես, որ մի բան ասում եմ, գիտեմ՝ ինչ եմ ասում», - նշեց Փաշինյանը՝ նկատելով, որ հարկ եղած դեպքում փաստերով ու փաստաթղթեով կարող է ամեն բան ապացուցել:

Հիշեցնենք, որ Ռոբերտ Քոչարյանի գրասենյակը հորդորել էր վարչապետի պաշտոնակատար Նիկոլ Փաշինյանին բանակաշինության մասին չխոսել, այն դեպքում, ինչպես ասված էր հայտարարության մեջ «Նիկոլ Փաշինյանը բանակաշինության գործում դեռ մատը մատին չի խփել (և դեռ հայտնի չէ` ինչպես դա կանի), բայց իրեն թույլ է տալիս քննադատել մարդու, որը պաշտպանության բանակի ստեղծողներից մեկն է եղել»: 

Աղբյուր` Փաստինֆո