Փաստ ինֆո

Ես հիասթափված եմ, զգում եմ, որ նախագիծը չի ստանալու բավարար աջակցություն։ Այսօր խորհրդարանում հայտարարեց ՀՀԿ-ական պատգամավոր Սամվել Ֆարմանյանը իր եզրափակիչ ելույթում եւ անձնական վիրավորանք համարեց պատգամավոր Ալեն Սիմոնյանի նախօրեին հնչեցրած գնահատականը։

Հիշեցնենք, որ «Ելք» խմբակցության պատգամավոր Ալեն Սիմոնյանը շխանությունների հանդեպ վրեժխնդրության փորձ է որակել «Վիճակախաղերի մասին» ՀՀ օրենքը ուժը կորցրած ճանաչելու մասին Ֆարմանյանի առաջարկը:

«Ես սա համարում եմ անձնական վիրավորանք: Ինձ պետք է շատ վատ ճանաչել նման եզրահագումներ անելու համար: Մի օր Հայաստանի որևէ կառավարություն ստիպված է լինելու գնալ խնդրի կարգավորման ռադիկալ ճանապարհով», - նշեց նա:

Ֆարմանյանն ասաց, որ այնպիսի տպավորություն ունի, թե բոլոր իշխանությունները անցնում են մեկ ճանապարհով, երբ կառավարության պաշտոնյաները ամեն ինչ անում են հիմնավորելու մի բան, որը գրեթե հնարավոր չէ հիմնավորել:

«Հայտնվում են մարդիկ, ովքեր տվյալ իշխանությանը պատրաստ են մատուցել աննկարագրելիորեն արջի ծառայություն և այդպես, պարոն Սիմոնյան, ծնվում է իշխանությունների մշտական սինդրոմը, երբ դահլիճից դուրս կա մեկ իրականություն, բայց դահլիում այս կամ այն պատճառով փորձ է արվում ստեղծել լրիվ այլ իրականություն», - ասաց նա:

Աղբյուր` Փաստինֆո