Փաստ ինֆո

Փաշինյանն այսօր ԱԺ-ում պատասխանել է լրագրողների՝ արտահերթ խորհրդարանական ընտրությունների վերաբերյալ հարցերին:

Վարչապետի պաշտոնակատարը, անդրադառնալով լրագրողների հարց-մտահոգություններին`ընտրությունները հին ԸՕ-ով եւ ռեյտինգային համակարգով անցկացնելուն, մասնավորապես ասել է. «Այս ընտրությունների ՔՊ-ի համար չեն, ընտրությունը ժողովրդի համար է եւ որոշումը կայացնելու է ժողովուրդը»:

«Ես, իհարկե, մտահոգված եմ այն առումով, որ կարծում եմ ընտրական օրենսգրքի մեր առաջարկով ընտրությունները առավել քաղաքական կլինեին եւ քաղաքական ուժերի ավելի լայն շրջանակի համար հնարավորություններ կընդգրկեր: Բայց ես կարծում եմ, որ լիարժեք հնարավորություն կունենանք ապահովել ազատ եւ թափանցիկ ընտրություններ»,- ասաց Նիկոլ Փաշինյանը`օրինակ բերելով Երեւանի ավագանու ընտրությունները, որոնք նույնպես կազմակերպվեցին հին ԸՕ-ով:

Նիկոլ Փաշինյանը ռեյտինգային կարգով չի առաջադրվելու: «Ես լինելու եմ համապետական թեկնածու»,- ասաց նա: ՔՊ-ի ցուցակում կլինե՞ն սեփականատեր-գործարարներ, թե`ոչ, վարչապետի պաշտոնակատարը պատասխանեց. «Սեփականատերերը թող իրենց սեփականությամբ զբաղվեն»: 

Աղբյուր` Փաստինֆո