Փաստ ինֆո

ՀՀ վարչապետի պաշտոնակատար Նիկոլ Փաշինյանն Ազգային ժողովում է։ Նշենք, որ նիստի օրակարգում վարչապետ Նիկոլ Փաշինյանի ընտրության հարցն է։

Մինչ նիստի սկսվելը պատավսխանելով լրագրողների հարցերին Նիկոլ Փաշինյանը հայտարարել է, որ  հնարավոր չի համարում այս փուլում իր ընտրությունը։ Իսկ թե որքանով է հնարավոր համարում, որ  այսօր Ազգային ժողովն այսօր պաշարի ժողովուրդը, որպեսզի ԱԺ-ը չընտրի իրեն՝ Նիկոլ Փաշինյանն արձագանքել է, որ Ազգային ժողովը պետք է լինի այնպիսին, որ ժողովուրդը այն պաշարելու անհրաժեշտություն չունենա։

«Այսինքն՝ ժողովուրդը համարի, որ Ազգային ժողովի դահլիճում իր ներկայությունը լիարժեք ապահովված է։ Մեր իրավիճակի աբսուրդն այն է, որ ժողովուրդը տեսնում է՝ ԱԺ դահլիճում ինքը առնվազն մեծամասնությամբ ներկայացված չէ», - ասաց Նիկոլ Փաշինյանը և հորդորեց լրագրողներին չսիպել իրեն ամեն օր պատասխանել հարցերին։

«Այսպիսի ավանդույթ չի եղել, որ վարչապետն այսքան հաճախ լրագրողների հետ շփվի, խնդրում եմ, ինձ մի ստիպեք, որ ես ամեն օր պատասխանեմ ձեր հարցերին», - ասաց Նիկոլ Փաշինյանը։

Վարչապետի թեկնածու է առաջադրվել միայն ՀՀ վարչապետի պաշտոնակատար Նիկոլ Փաշինյանը։ Վերջինիս թեկնածությունն առաջադրել է Ազգային ժողովի «Ելք» խմբակցությունը։

Ըստ Սահմանադրության՝ եթե վարչապետ չի ընտրվում, ապա ընտրությունից մեկ շաբաթ անց անցկացվում է վարչապետի նոր ընտրություն, որին մասնակցելու իրավունք ունեն պատգամավորների ընդհանուր թվի առնվազն մեկ երրորդի առաջադրած վարչապետի թեկնածուները:

Եթե այդ դեպքում էլ վարչապետ չի ընտրվում, ապա Ազգային ժողովն արձակվում է իրավունքի ուժով:

Աղբյուր` Փաստինֆո