Փաստ ինֆո

Այս պահին խորհրդարանում ընթանում են Սահմանադրական դատարանի անդամի թեկնածուի քվեարկությունը։

Հիշեցնենք՝ Հայաստանի նախագահին կողմից ՍԴ անդամի թափուր պաշտոնի համար առաջադրվել է իրավաբան Վահե Գրիգորյանի թեկնածությունը։

«Կարևոր եմ համարում Սահմանադրական դատարանի դերը հանրության և պետական մարմինների ընկալման մեջ: ՍԴ-ն կոչված է լինել պետության խիղճը, քանի որ իր առաջնային առաքելությունը մարդու անհատական, հիմնարար իրավունքների պաշտպանությունն է: Ինքս իրավունքի ոլորտով զբաղվում եմ դեռ ուսանող տարիներից, և, կարծում եմ, իմ մասնագիտական գիտելիքները և փորձառությունը համապատասխանում են դատավորի մասնագիտական չափանիշներին»,-ասաց Գրիգորյանը՝ ԱԺ-ում ՍԴ դատավորի հարցի քննարկման ժամանակ:

ԱԺ փոխխոսնակ Միքայել Մելքումյանը հետաքրքրվեց՝ անցյալ տասը տարիների ընթացքում Հայաստանում մարդու իրավունքներն ի՞նչ մակարդակի վրա է եղել, և ՍԴ-ն ի վիճակի՞ է երկրում կայունության ապահովման համար իրավիճակ փոխել:

«ՍԴ-ն ի կարող է իրավիճակ փոխել, սակայն ունի գործադիրի և օրենսդիրի աջակցության կարիքը: Իմ կարծիքով՝ ՍԴ-ում խորը վերափոխումների անհրաժեշտություն կա»,-ասաց Գրիգորյանը:

Նա նշեց՝  հավատում է, որ այդ փոփոխություններն իրավիճակ կփոխեն ոչ միայն պետական մարմինների փոխհարաբերությունների, այլ նաև մարդու իրավունքների պաշտպանության հարցում:

Վահե Գրիգորյանը հայտարարեց, որ նախկինում բազմաթիվ քրեական հետապնդումների եմ ենթարկվել, ուստիև լքել է Հայաստանը ՞ բնակություն հաստատել Լոնդոնում։ 

«Միացյալ Թագավորություն տեղափոխվելու և շատ հեղինակավոր կազմակերպությունում աշխատելու պատճառը եղել է այն, որ ես խորապես համոզված եմ եղել, որ Հայաստանում իմ մասնագիտական զարգացման ասպարեզը խիստ սահմանափակ է լինելու։ Եվ դա ոչ թե այն պատճառով, որ այստեղ լավ մասնագետներ չկան, այլ դուք բոլորդ գիտեք՝ կոնկրետ պատճառներով. իրավաբանի և քաղաքականության ճանապարհները մեկ են։ Ես ինձ այն ժամանակ մեղավոր չեմ համարել, որովհետև մտածել եմ, որ ես մեղավոր չեմ ստեղծված իրավիճակի համար», - հայտարարեց Վահե Գրիգորյանը։

Սակայն, այժմ, նրա խոսքով, իրավիճակը փոխվել է, և ինքն իրեն մեղավոր կզգար, եթե այս իրավիճակում Հայաստանից հեռու լիներ ու այդ պատճառով է, որ մայիսից ընտանիքով տեղափոխվել է Հայաստան՝ մշտական բնակության։

Աղբյուր` Փաստինֆո