Փաստ ինֆո

Պետական վերահսկողական ծառայությունն այս պահին ստուգումներ են իրականացնում քրեակատորաղական ծառայությունում և «Աջակցություն դատապարտյալներին» հիմնադրամում։ Այդ մասին այսօր ասել է Ծառայության պետ Դավիթ Սանասարյանը՝ լրագրողների հետ զրույցում։

«Ընթացքում ճգնաժամային իրավիճակներ եղան, Ուրցաձոր և Անի համայնքներ գնացինք։ Նաև ՋՕ-երում ենք ստուգումներ իրականացնում», - ասաց Սանասարյանը։

Նշենք, որ նախօրեին Դ.Սանասարյանը գնացել էր նաեւ Մարալիկ համայնք, որտեղ միջադեպ էր տեղի ունեցել մարալիկցիների և «Ադեկվադ» հաղորդման հեղինակներ Արթուր Դանիելյանի ու Նարեկ Մալյանի միջև։

«Քաղաքացիներն կոչ եմ արել, որ ավելի հանդուրժող լինեն։ Պարզ է, որ պարզունակ սադրանք է տեղի ունեցել «Ադեկվադ» կոչված խմբի կողմից։ Հետո տարածում էին, թե ծեծել են իրենց, բայց այդպիսի բան տեղի չի ունեցել, լավ էր, որ ամեն ինչ ուղիղ եթերում է եղել», - ասաց Դավիթ Սանասարյանը։

Նշենք, որ այստեղ շարունակվում են նաեւ բողոքի ակցիաները, ովքեր պահանջում են համանքի ղեկավարի հրաժարականը։

Ավելի վաղ հաղորդվել էր, որ Շիրակի մարզի Մարալիկ քաղաքում հոկտեմբերի 11-ին մի խումբ երիտասարդներ պահանջել են «Ադեկվադ» հաղորդման հեղինակներ Արթուր Դանիելյանին ու Նարեկ Մալյանին լքել քաղաքը անմիջապես, ինչի  մասին ասուլիսում տեղեկացրել էր հենց Նարեկ Մալյանը։

Ըստ նրա՝ մոտեցել են իրենց, պահանջել են լքել քաղաքը, սակայն երբ չեն ենթարկվել այդ պահանջներին, սպառնացել են, որ կգան հաշվեհարդար կտեսնեն։ Ավելին՝ նա հայտնել է, որ քաղաքը լքել պահանջող խմբի մեջ է եղել նաև նախկին դատապարտյալ Հարություն Ուռուտյանը, ով խոչընդոտել է օպերատորի աշխատանքը, խլել, վնասել «շտատիվը», հարվածներ հասցրել օպերատորին ու հայտարարել, որ հարձակումը եղել է կազմակերպված։

Աղբյուր` Փաստինֆո