Փաստ ինֆո

Ադրբեջանի ԱԳՆ-ը մեկնաբանել է Ֆրանկոֆոնիայի միջազգային կազմակերպության 17-րդ գագաթաժողովի բացման ժամանակ ՀՀ վարչապետ Նիկոլ Փաշինյանը ելույթը, որտեղ վերջինս խոսում էր արցախյան համակարտության մասին:

Հարևան երկրի արտաքին գերատեսչությունը Հայաստանի վարչապետի վերոնշյալ ելույթը, ինչպես նաև ՄԱԿ-ի Գլխավոր ասամբլեայի 73-րդ նստաշրջանի ժամանակ ունեցած ելույթը՝ սուտ ու կեղծիք է որակել՝ դրանք համարելով Լեռնային Ղարաբաղի հակամարտության վերաբերյալ հայտարարությունների ճշմարտացի ոգուց հեռացած հայտարարություններ:
 
Ադրբեջանի ԱԳՆ-ն նաև գտնում է, որ նման խոսքն ամենևին չի համապատասխանում Դուշամբեում Հայաստանի և Ադրբեջանի ղեկավարների զրույցի ոգուն:
 
Այս մասին տեղեկանում ենք, artsakhpress.am-ի հաղորդմամբ, ադրբեջանական minval.az լրատվական կայքից:
 
«Եթե Հայաստանի վարչապետը ցանկանում է ճիշտ լինել, ապա Ադրբեջանը կոչ է անում նրան արդար լինել եւ ճանաչել այն հարյուր հազարավոր ադրբեջանցիների հիմնարար իրավունքների խախտումը, որոնք բռնի կերպով հեռացվել են օկուպացված Լեռնային Ղարաբաղից եւ Ադրբեջանի հարակից շրջաններից», - ասված է մեկնաբանության մեջ:
 
ԱԳՆ հայտարարության մեջ նշվում է, որ նպատակաուղղված կերպով ՀՀ վարչապետը հայկական համայնքը կոչել է «Լեռնային Ղարաբաղի ժողովուրդ», այդպիսով՝ աչք փակելով «Ադրբեջանի մարզ Լեռնային Ղարաբաղի ադրբեջանական համայնքի դեմ էթնիկ զտումներ իրականացնելու հանգամանքի վրա»:
 
«Եթե Հայաստանի ղեկավարությունը իրեն ժողովրդավար է համարում, խոսում է խաղաղ պայմանների ստեղծման մասին, ապա պետք է գործի ժողովրդավարական արժեքների եւ օրենքի գերակայության տեսանկյունից եւ հնարավորություն ստեղծի փախստականների համար վերադառնալ իրենց տները, պետք է զինված ուժերը դուրս բերի ադրբեջանական տարածքներից, ինչպես պահանջվում են ՄԱԿ-ի Անվտանգության խորհրդի բանաձեւերը եւ այլ միջազգային կազմակերպությունների որոշումները », - ասված է Ադրբեջանի ԱԳՆ հայտարարության մեջ:

Աղբյուր` Փաստինֆո