Փաստ ինֆո

Երևանի ավագանու ընտրություններում անցողիկ շեմը կհաղթահարեն «Իմ քայլը», «Բարգավաճ Հայաստան»-ը և «Լույս» դաշինքը: Այդ մասին են վկայում «Gallup International Association»-ի Հայաստանում լիիրավ անդամ Էմ Փի ՋԻ ընկերության անցկացրած հարցման արդյունքները:

Հարցումների արդյունքներով, քաղաքացիների 60,6 տոկոսը պատրաստվում է քվեարկել «Իմ քայլը»  դաշինքի օգտին, 9.2 տոկոսը` «Բարգավաճ Հայաստան»-ի: «Լույս» դաշինքի օգտին 4.3 տոկոսն է պատրաստվում քվերակել: Այս տվյալներն այսօր լրագրողների հետ հանդիպմանը ներկայացրեց «Gallup International Association»-ի հայաստանյան ներկայացուցչության հետազոտական բաժնի ղեկավար Գայանե Դաջունցը:

«Երկիր Ծիրանի»-ի, «Ժառանգություն», «Օրինաց Երկիր» կուսակցությունների օգտին ձայնեըն առավելապես 1,3 տոկոսից չեն անցել՝ «Երկիր Ծիրանի»-ին պատրաստվում են ձայն տալ 1.3 տոկոսը, «Ժառանգության»՝ 1.1, «Օրինաց Երկիրի»՝ 0.8 տոկոսը, իսկ ՀՅԴ-ին՝ 0.7 տոկոսը:

«Երևանի հանրություն» կուսակցությունների դաշինքին պատրաստվում է ձայն տալ հարցվածների 0,7 տոկոսը, «Ռեֆորմիստների կուսակցությանը»` 0,4 , «Ժողովրդավարական ուղի» կուսակցությանը և «Երևանցիներ» կուսակցությունների դաշինքին ` 0,4 տոկոսը և «Հայք» կուսակցությանը` 0.3 տոկոսը»,-ասաց Գայանե Դաջունցը:
Հարցվածների 11,6 տոկոսն էլ հրաժարվել է պատասխանել հարցվածների:

Երևանցիների 76,4 տոկոսը տեղյակ է եղել, որ սեպտեմբերի 23- ին նախատեսվում է ավագանու արտահերթ ընտրություն: 19,1 տոկոսը դժվարացել է նշել ընտրությունների անցկացման ամսաթիվը, միայն 4.5 տոկոսը տեղյակ չի եղել, որ կայանալու են Երևանի ավագանու ընտրություններ:

Հնչել է նաև հարց` նշել ավագանու ընտրություններին մասնակցող կուսակցություններին:

«Իմ քայլը» կուսակցությունների դաշինքի անունը նշել է 83. 4 տոկոսը, 70.7 տոկոսը` «Բարգավաճ Հայաստան» կուսակցության անունը, 28.3 տոկոսը` «Լույս դաշինք»-ի: «Օրինաց երկիր» կուսակցության անունը նշել է հարվածների 26 տոկոսը, «Երկիր Ծիրանի» կուսակցությանը` 24.8 տոկոսը, ՀՅԴ-ին` 19. 3 տոկոսը:

Կուսակցությունների և կուսակցությունների դաշինքների կողմից իրականացվող բակային հանդիպումներին մասնակցել է 16.4 տոկոսը: Նրանց 78.4 մասնակցել է «Իմ քայլ» կուսակցությունների դաշինքի հանդիպումներին, 21.2 տոկոսը «Բարգավաճ Հայաստան» կուսակցության, իսկ 4.5 տոկոսը «Լույս»-ի հանդիպումներին:

Ընտրություններին միանշանակ մասնակցելու է հարցվածների 72.9 տոկոսը, ավելի շուտ մասնակցելու է 13.7 տոկոսը, ավելի շուտ չի մասնակցելու 3.6 տոկոսը, հաստատ չի մասնակցելու 8.7 տոկոսը, իսկ 1.1 տոկոսը դժվարացել է պատասխանել:

Սեպտեմբերի 18-20-ը Երևանի բոլոր վարչական շրջաններում հարցումներին մասնակցել է 805 մարդ:

Աղբյուր` Փաստինֆո