Փաստ ինֆո

Դոն Պիպոյի՝ նույն ինքը Արթուր Ասատրյանի նկատմամբ ընտրված խափանման միջոց կալանավորումը փոխվել գրավով: Այդ մասին տեղեկացնում է Արթուր Ասատրյանի պաշտպան Ռաֆայել Ամիրխանյան:

Պաշտպանի ֆեյսբուքյան էջի գրառման համաձայն՝ նախօրեին Երևան քաղաքի ընդհանուր իրավասության դատարանը բավարարել է պաշտպանական կողմի միջնորդությունը և որոշում կայացրեց Արթուր Ասատրյանի խափանման միջոց կալանավորումը փոխել այլընտրանքային խափանման միջոց գրավով։

Դատարանը գրավի չափ է սահմանել 50 միլիոն դրամը:

Հիշեցնենք, որ Արթուր Ասատրյանը կալանավորվել էր հունիսի 19-ին, նույն քրեական գործով ձերբակալվել են 4 անձինք, ովքեր հանդիսանում են ՌԴ քաղաքացիներ և ենթադրաբար Ասատրյանի թիկնապահներն են, սակայն նրանք ազատ են արձակվել՝ ձերբակալման պահից 72 ժամը լրանալուց հետո:

Ավելի վաղ ԱԱԾ-ն պաշտոնական հաղորդագրությամբ էր հանդես եկել տեղեկացնելով, որ Արթուր Ասատրյանը բերման է ենթարկվել և ձերբակալվել` ՀՀ քրեական օրենսգրքի 131-րդ հոդվածի 1-ին, 2-րդ, 3-րդ և 6-րդ կետերով («Մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը») և 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով:

Աղբյուր` Փաստինֆո