Փաստ ինֆո

«Իմ քայլը» դաշինքի՝ Էրեբունի վարչական շրջանում տեղի ունեցած նախընտրական հանրահավաքում վարչապետ Նիկոլ Փաշինյանը հայտարարել է, թե կան  քաղաքական ուժեր, որոնք իրենց հեղափոխական են ներկայացնում, սակայն  փորձում են ՀՀԿ-ի հետ թաքուն համաձայնություն ձեռք բերել և տապալել հեղափոխությունը։ 

«Կան քաղաքական ուժեր, որոնք իրենց ներկայացնում են որպես հեղափոխության պաշտպան, առաջամարտիկ, և այսօր գնացել խորհրդարանում բանակցում են հանրապետականների հետ, քուչեքում են բանակցում հանրապետականների հետ, ռեստորաններում են բանակցում հանրապետականների հետ՝ թե բա տղերք, կլինի՞, դուք էս ընտրություններում ձեր ընտրակեղծարարական ռեսուրսով մեզ պաշտպանեք,  մենք էլ որ հաղթենք քաղաքապետարանի ընտրություններում, ընենց կանենք, որ արտահերթ խորհրդարանական ընտրություններ տեղի չունենան, որ դուք մի քանի տարի էլ պատգամավորական մանդատ ունենաք»,– ասաց Փաշինյանը։

Վարչապետի խոսքով՝ դրանք այն ուժերն են, որոնք միայն հեղափոխության հաղթանակից հետո միացան հեղափոխությանը և իրենց հայտարարեցին ամենաթունդ հեղափոխականներ, թեև մինչ իսկ   ասում էին՝ «Սերժը լավ ա, ի՞նչ գործ ունեք, մեր երկրի կայունությունը խաթարում եք»։

«Տղերք և աղջիկներ, եթե ձեր հույսը հանրապետականի զորացրված հեղափոխականների վրա է, դուք ընդհանրապես ինչո՞ւ եք մասնակցում ընտրություններին։ Հրապարակներից հարցազրույցների մեջ իմ անունն են տալիս, հեղափոխության անունն են տալիս, գնում են, թաքուն հավաքվում են, ասում են՝ եկեք հավաքվենք, դրանց գցենք, հեղափոխությունը հեչ անենք։ Չի ստացվի, ձեր ջախջախիչ պարտություն է սպասվումում, որովհետեւ ժողովուրդն է  ձեզ մատնելու պարտության։ Սթափվեք, գժուկներ, սթափվեք»,– ասաց Փաշինյանը։

Աղբյուր` Փաստինֆո