Փաստ ինֆո

Այսօր ողբերգական դեպք է գրանցվել Ներքին Չարբախում. խոտի դեզի այրվելուց հետո 6-ամյա երեխայի դի է հայտնաբերվել:

Ժամը 11։15-ի սահմաններում Արտակարգ իրավիճակների նախարարությանում ահազանգ է ստացվել՝ Ներքին Չարբախ 9-րդ կմ 1-ին տան բակում խոտի դեզի այրվելու մասին, և հրշեջ փրկարարները շտապել են դեպքի վայր՝ հրդեհի տարածումը կանխելու և այն մարելու, սակայն, դժբախտաբար, այդ ամենից հետո մանկահասակ երեխայի դի է հայտնաբերվել՝ այրված վիճակում:

Դեպքի վայրում երեխայի հարազատները և հարաևանները «Փաստինֆո»-ի թղթակցին պատմեցին, որ երեխայի ձեռքին կրակայիչ է եղել և բակում խաղացել է և, ըստ ամենայնի, կրակայրիչը վառել է, ինչի հետևանքով էլ չոր խոտը բռնկվել է:

Հարևանները նույնիսկ նշում էին, որ հրդեհի բռնկվելու ժամանակ երեխայի տատիկը բակում է եղել, սակայն կինը չի կարողացել որևէ կերպ երեխային փրկել հրդեհի ճիրաններից:

Աղբյուր` Փաստինֆո