Փաստ ինֆո

Հուլիսի 28-ին Սոչիում տեղի կունենա պրոֆեսիոնալ բռնցքամարտի երեկո, որի ընթացքում ռինգ դուրս կգա նաև հայ պրոֆեսիոնալ բռնցքամարտիկ Գոռ Երիցյանը:

Մեր մարզիկն իր նախորդ 6 մենամարտերում հաղթանակի է հասել նոկաուտով: Այս անգամ մրցակիցն ավելի քան փորձառու է: Հարավաֆրիկյան Հանրապետությունը ներկայացնող Ալի Ֆունեկան պրոֆեսիոնալ ռինգում անցկացրել է 50-ից ավելի մենամարտ:

23-ամյա Գոռ Երիցյանը պատմել է, թե ինչպես է ընթանում նախապատրաստությունը և թե ինչ սպասելիքներ կան առաջիկա մենամարտից. 

«Շատ լավ եմ պատրաստ, Դավիթ Թոորսյանի հետ շատ լավ ենք պատրաստվում առաջիկա մենամարտին:

Շատ կարևոր մենամարտ է սպասվում, մրցակիցս հարավաֆրիկացի փորձառու բռնցքամարտիկ է: 50-ից ավել մենամարտ է անցկացրել` աշխարհի ամենաուժեղ բռնցքամարտիկների հետ:

Ճիշտ է տարիքով մեծ է, բայց փորձը ևս մեծ է: Մենք, ամեն դեպքում, շատ լավ պատրաստ ենք: Գնալու ենք մինչև վերջ ու ամեն ինչ անելու ենք, որ մեր ուզածով վերջանա մենամարտը: Չեմ տեսնում որևէ արտառոց բան, որը կարող է մեզ խանգարել:

Չեմ մտածում նոկաուտի մասին. ինձ համար կարևորը հաղթանակի հասնելն է: Իմ մենամարտը լինելու է շոուի վերջին` գլխավոր մենամարտը: Աջակցություն պետք է միանշանակ, հայերը կողքիս կլինեն»,- Երիցյանի խոսքերն է փոխանցում Punch Boxing Armenia-ի ֆեսյբուքյան էջը:

Աղբյուր` Փաստինֆո