Փաստ ինֆո

«Հայաստանի հանրային հեռուստաընկերություն» ՓԲԸ-ում կատարված յուրացումները ու՞մ անմիջական մասնակցությամբ կամ ի՞նչ սխեմայով է կատարվել, կպարզվի միայն քննության ընթացքում:

Գլխավոր դատախազ Արթուր Դավթյանն այսօր լրագրողների հետ ճեպազրույցում նշեց, որ առերևույթ հանցագործության փաստեր, որոնցով քրեական գործ հարուցելու հիմքեր պետք են, առկա են եղել, իսկ մնացածը կքննվի քրեական գործի նախաքննության ընթացքում և կպարզվի:

Հարցին, թե ո՞ւմ են առնչվում այդ յուրացումները ՀՀ հանրային հեռուստառադիոընկերության խորհրդի նախագահ Ռուբեն Ջաղինյանի՞ն, թե՞ Հանրային հեռուստաընկերության գործադիր տնօրեն Մարգարիտա Գրիգորյանին, Գլխավոր դատախազը նշեց՝ անունների մասին այս պահին չի կարող խոսել, քննության ընթացքում կպարզվի, թե այդ համապատասխան սխեմաների մեջ ովքեր և ինչ ներգրավածություն են ունեն, ում արարքում հանցակազմ կա կամ չկա:

Հիշեցնենք, որ ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 179-րդ հոդվածի 3-րդ մասի 1-ին կետով, 214-րդ հոդվածի 2-րդ մասով և 325-րդ հոդվածի 2-րդ մասով նախատեսված հանցագործությունների հատկանիշներով հարուցվել է քրեական գործ, որի նախաքննության կատարումը հանձնարարվել է ՀՀ քննչական կոմիտեին:

Աղբյուր` Փաստինֆո