Փաստ ինֆո

Մասիս համայնքի ղեկավար Դավիթ Համբարձումյանի ֆեյսբուքյան էջում բաց նամակ է հրապարակվել՝ ուղղված վարչապետ Նիկոլ Փաշինայնին.

«Մեծարգո´ պարոն վարչապետ, տևական ժամանակ է, ինչ ուժային որոշ կառույցներ ինձ հետ կապ չունեցող գործերով կանչում են հարցաքննությունների և հրավիրում են դատարան։ Անկեղծ ասած՝ տպավորություն է, կարծես նրանք անում եմ ամեն հնարավոր բան` Ձեզ հաճոյանալու համար և փորձում են ստեղծել լավ աշխատանքի պատրանք։ Հավաստիացնում եմ, որ ոչ մի գործով, իսկ ավելի կոնկրետ Մասիսում տեղի ունեցած վեճին իմ մասնակցության մասով որևէ կապ չեմ ունեցել, ասեմ ավելին՝ ջանք չեմ խնայել որպեսզի հաշտեցնեմ կողմերին ու դա հնարավոր է պարզել Ձեզ հասու լիազորությունների շրջանակներում, ուստի խնդրում եմ Ձեզ ուշադրություն դարձնել իրավապահ համակարգի որոշ օղակների գործունեությանը ու պահանջել աշխատել ոչ թե ձևի, այլ բովանդակության համար և չխաթարել համայնքի ղեկավարի` իմ պարտականությունների պատշաճ կատարումը»,- գրել է նա:

Ավելի վաղ տեղեկացրել ենք, որ ՀՀ ՔԿ Երեւանի քննչական վարչությունը նրան մեղադրանք է առաջադրվել Էրեբունիում տեղի ունեցած անկարգությունները կազմակերպելու եւ մասնակցելու, Հայանիստ գյուղի մոտ ցուցարարների նկատմամբ բռնություն գործադրելու համար եւ միջնորդություն ներկայացրել դատարան որպես խափանման միջոց կալանավորումն ընտրելու վերաբերյալ, ինչը բավարարվել է։ 

Աղբյուր` Փաստինֆո