Փաստ ինֆո

2015թ. հունվարի 29 -ին ՀՀ ՊՆ Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության գործով այսօր՝ հերթական դատական նիստին, դատարանը հետազոտվեց ամբաստանյալ Վաչե Սահակյանի և գործով մի քանի վկաների միջև առերես հարցաքննության տեսանյութերի կրիչները:
Տեսանյութերի հրապարակման ժամանակ հայտնի դարձավ, որ դրանցում առկա են հայհոյանքներ, իսկ որոշ դեպքերում՝ առերես հարցաքննություններն ուղեկցվում են մեղադրյալ Սահակյանի կողմից ագրեսիվ պահվածքով, որն ի դեպ վերջինս բացատրեց նրանով, որ իր հետ առերեսվող վկաները ստել են և դա է պատճառ հանդիսացել, որ ինքնատիրապետումը կորցրել է:
Նշենք, որ նախորդ դատական նիստում ամբաստանյալը հերքելով դեպքին իր առնչությունը հայտնել էր, որ իր դեմ ցուցմունքներ տված անձինք գտնվել են ֆիզիկական ու հոգեբանական ճնշման ներքո:
Հետազոտված տեսանյութերից հետո ամբաստանյալի հարցաքննությունն ավարտվեց:
Այսօր դատարան էր ներկայացել վկա Արթուր Վահանյանը, վերջինիս տևական ժամանակ էր հնարավոր չէր լինում դատարան հրավիրել, բերման որոշում էր կայացվել, սակայն պարզվել էր որ նա հանրապետությունում չէ և ընդհամենը վերջերս է վերադարձել:
Վկան հայտնեց, որ դեպքից հետո ինքը Ռազմական ինստիտուտից դուրս է եկել, մթնոլորտը նախկին չի եղել այդ պատճառով էլ ուսումը չի շարունակել, որոշ ժամանակ արտերկրում է բնակվել:
Վկա Վահանյանը հայտնեց, որ 2015թ. հունվարի 28-ին ուշ երեկոյան 7 հոգով՝ Վարազդատը Սաֆարյանը, Վաչե Սահակյանը, Մովսես Ազարյանը, էդուարդ Մանուկյանը, Դավիթ Պողոսյանը, Հարություն Բալդրյանը և ինքը մարտկոցում հաց են կերել և օղի խմել:
Նա նշեց, որ սնունդը ուղարկված է եղել իրենց տանից, իսկ օղին ինքն է գնել, ընդամենը մեկ շիշ օղի է եղել, որն էլ խմել են 7 հոգով՝ յուրաքանչյուրը 2-ական բաժակ են խմել:

Նշենք նաև, որ այսօր դատարան էր ներկայացել փաստաբան Արմեն Նադիրյանն ով նախկինում իրականացնում էր ամբաստանյալ Վաչե Սահակյանի պաշտպանությունը, նրա հետ համատեղությամբ ամբաստանյալի շահերը ներկայացնում է նաև փաստաբան Արա Զաքարյանը:

Այդ օրը նշել են նաև նշեց, որ Վաչե Սահակյանին ծննդյան տարեդարձը:

Վկայի խոսքով սննունդը տանից խնդրել է ուղարկել որպեսզի կապիտան Մանուկյանի հետ ուտի, սակայն իրենց է միացել նաև Վարազդատ Սաֆարյանը և խնդրել սպասել որպեսզի Վաչեին կանչի՝ «ծննդյան տարեդարձն է եղել և ոչինչ չեն արել՝ առիթ կլինի նաև կշնորհավորեն.,- ասել է Սաֆարյանը:
Վկան պնդեց, որ օղու շիշը եղել է 0,5 լիտր, թեև նախաքննության ընթացքում ավելի մեծ քանակություն էր նշել:
Վկան հայտնեց, որ Հայկազին վերջին անգամ տեսել է իրենց հացկերույթից կես ժամ առաջ՝ հանգիստ նասկի էր լվանում:
Իսկ հաջորդ օրն առավոտյան տեղեկացել է կատարված մասին՝ գնացել է մյուս կուրսանտների հետ Հայկազին փնտրելու: Հեռվից տեսել է նրան կախված, վերադարձել է Հայկազի ննջարան և անկողինը հայտնաբերել ամբողջությամբ արյան մեջ:
Թեև Վկան խուսափեց սպանություն բառն օգտագործել սակայն հստակ ասաց՝ դա ինքնասպանություն չի: Դատարանի ճշտող հարցին՝ իսկ ի՞նչ է պատասխանեց՝ չգիտի, այդքան արյուն կորցրած մարդը ինչպես է այդքան ճանապարհ քայլել, գնացել և կախվե՞լ:

Աղբյուր` Փաստինֆո