Փաստ ինֆո

Նախօրեին ձերբակալված Ազգային ժողովի նախկին պատգամավոր Առաքել Մովսիսյանը (Շմայս) ԱԱԾ-ից ազատ արձակվելուց հետո հայտարարել է, թե ԱԱԾ-ոչ մի անշնորհք բան չի արել. «Շատ շնորհքով ներխուժել է մեր բնակարան, օրենքի տառին համապատասխան ստուգումներ իրականացրել իր բնակարանում»:

«Ազատություն» ռադիոկայանին նա հայտնել է, որ շատ շնորհակալ է ԱԱԾ-ից՝ մեր այս նոր կառույցից, նախկինում նման բաներ չի եղել, վայրագություններ են եղել, իսկ հիմա ամեն ինչ յուրահատուկ, օրենքի տառին համապատասխան են արել:

Առաքել Մովսիսյանը նաև նշել է, որ օրինական զենքերից բացի, որոնք չորսն են եղել, ուրիշ ոչինչ չի հայտնաբերվել իր տանը, քանի որ ինչ ունեցել է կամավոր հանձնել է:

Թե ի՞նչ կասկածանքով է բերման ենթարկվել ԱԱԾ հարցին ի պատասխան՝ Մովսիսյանը նշել է՝ ինքը զենքի սիրահար է. «Բայց հիմա էն ժամանակներ են եկել, որ կարիք չկա զենքի ունենալու, բացի նակլադնոյ զենքից, դա էլ սեյֆում, ընդհանրապես կյանքում հետս զենք ման չեմ տվել»,- ասաց պատգամավորը՝ վստահեցնելով, որ կյանքում ճիշտ է ապրել և իր տանն այլ բան չէր կարող հայտնաբերվել:

Աղբյուր` Փաստինֆո