Փաստ ինֆո

«Իրավապահ համակարգի առաջ որեւէ գործի քննության ճանապարհին չկա որեւէ խոչընդոտ, բոլորովին կարեւոր չէ, թե ով կհանդիպի այդ ճանապարհին»,- կառավարության այսօրվա նիստում հայտարարել է ՀՀ վարչապետ Նիկոլ Փաշինյանը՝ խոսելով կոռուպցիայի դեմ պայքարի որդեգրած ուղենիշի մասին։

Անդրադառնալով ԱԺ պատգամավոր Մանվել Գրիգորյանի տանը եւ նրան պատկանող տարածքներում կատարված խուզարկություններին եւ բացահայտումներին՝ վարչապետը նշել է. «Առանց որեւէ մեկի անմեղության կանխավարկածը խախտելու ուզում եմ արձանագրել, որ մենք գործ ունենք երրորդ հանրապետության պատմության ամենամեծամասշտաբ կոռուպցիոն բացահայտման հետ։

Սա առանձնանում է նրանով, որ բացահայտումները բառիս բուն իմաստով ցնցող, շոկային են հայ հասարակությնա համար»։

Վարչապետը շնորհակալություն հայտնեց ԱԱԾ-ին՝ կատարած աշխատանքի համար՝ արձանագրելով, որ գործողությունը մեկ օրում չի կազմակերպվել, դրան նախորդել է ծավալուն աշխատանք, որի ընթացքում որոշակի խնդիրներ եւ օրակարգ է ձեւակերպվել։ Նա հույս հայտնեց, որ գործի քննությունը Հատուկ քննչական ծառայությունում կընթանա պատշաճ մակարդակով։

«Ես ասացի, որ ըստ ամենայնի եւ մեծ հավականությամբ գործ ունենք կոռուպցոն մեծամասշաբ երեւույթի հետ եւ հույս ունեմ, որ բոլոր մասնակցիները պետք է բավահայտվեն ու պատասխանատության կանչվեն՝ անկախ կոչումներից, որևէ արգելանք ու խոչընդոտ չկա ու չի կարող լինել, կոռուպցիայի հետ որևէ կոմպրոմիս չի լինելու», - ասաց Նիկոլ Փաշինյանը:

Աղբյուր` Փաստինֆո