Փաստ ինֆո

«Իրատես de facto» թերթը գրում է, որ, ասում են, թե սփյուռքի ինքնատիպ նախարար Մխիթար Հայրապետյանը նեղ միջավայրում օրերս «գտել» է, որ անհրաժեշտ է «գնալ Սիրիա, լավ փիար կըլնի»։

« Ընդհանուր առմամբ, նորերը սիրում են «Բելիտաժում» նստել-նարգիլե ծխել ու «ազգի փիար վիճակը ծանրացնել սրտներին»։

Կհանդիպի՞ Սիրիայում Մխիթարը Ասադին, թե` ոչ, «չի ասել»։ «Փիար» տրամանաբանությամբ առաջնորդվող իշխանության որոշ անդամների համար անգամ Սիրիան բացառապես գովազդվելու լայն դաշտի, երբեմն լուրջ գայթաքարի է վերածվում։

Հիշենք, որ նույն Սիրիայի հարցով նոր իշխանություններն արդեն իսկ տարընթերցում են ունեցել ամերիկյան կողմի, մասնավորապես, ԱՄՆ-ում ՀՀ դեսպանատան հետ՝ ԱԱԽ քարտուղար Արմեն Գրիգորյանի՝ ՀԱՊԿ պաշտպանության նախարարների և ԱԱԾ քարտուղարների հանդիպման ժամանակ հնչեցրած ելույթի առնչությամբ, ուր վերջինս ասել էր, թե Ռուսաստանը նպաստել է Սիրիայում լարվածության թուլացմանը, ինչին ամերիկյան կողմը կտրականապես համաձայն չի եղել և բարձրաձայնել է այդ մասին»,- գրում է թերթը:

Հոդվածն ամբողջությամբ կարող եք կարդալ «Իրատես de facto»-ի՝ 12.06.18թ. համարում:

Աղբյուր` Փաստինֆո