Փաստ ինֆո

Նորք Մարաշի զինված խմբի գործով այսօրվա դատական նիստում պաշտպան Հովիկ Արսենյանը միջնորդեց իր պաշտպանյալ Գառնիկ Մարգարյանի խափանման միջոց կալանավցորումը փոխարինել չհեռանալու ստորագրությամբ, կամ գրավ կիրառել, կամ պատգամավորի անձնական երաշխավորությամբ ազատ արձակել:

Մեղադրողներն առարկեցին չհեռանալու մասին ստորագրությամբ կամ գրավի կիրառմամ ազատ արձակելու դեմ՝ նշելով, որ կալանքի տակ պահելու հիմքերը չեն վերացել:

Միաժամանակ նրանք նշեցին, որ անձնական երաշխավորությամբ ազատ արձակելու հարցը քննելու հատուկ ընթացակարգ է նախատեսված. պատգամավորները պետք է ներկայանան դատարան, ներկայացնեն 500 հազարական դրամ գումար վճարելու անդորրագրերը, դատարանն էլ պետք է նրանց պարզաբանի իրենց պարտականությունները՝ որպես երաշխավորներ, ինչպես նաև՝ երաշխավորելու հետևանքները:

Դատական նիստն ընդմիջվել է: Ընդմիջումից հետո դատարան կներկայանան երաշխավորները՝ ԱԺ պատգամավորներ Ալիկ Սարգսյանը և Ֆելիքս Ցոլակյանը, և նրանց մասնակցությամբ կանցկացվի հիշյալ ընթացակարգը:

Նշենք, որ դատարանի շենքի դիմաց, ի պաշտպանություն ամբաստանյալների, բողոքի ակցիա է անցկացվում. ցուցարարները պարզել են պաստառներ՝ հետևյալ բովանդակությամբ. «Ո՛չ հանցագործ ռեժիմի դատական համակարգին», «Ազատություն ազատամարտիկներին», «Մերժիր հակահեղափոխական դատական համակարգին»:

Աղբյուր` Փաստինֆո