Փաստ ինֆո

Ազգային ժողովի «Ելք» խմբակցության պատգամավոր Սասուն Միքայելը վստահեցնում է， թե քրեական հեղինակություն Ալիկ Բանդուրյանին չի ճանաչում, երբևէ նրա հետ չի շփվել, սակայն իրեն խնդրել էին ու ինքն էլ երաշխավորագիր է տվել:
Այդ մասին այսօր լրագրողների հետ ճեպազրույցում հայտարարել է «Ելք»- ի խմբակցության պատգամավորը, նշելով, որ երաշխավորագիր է տվել, որպեզի կալանքից ազատվի Բանդուրյանը՝ բացառապես նրա առողջական վիճակով պայմանավորված:

Հիշեցնենք, որ հունիսի 5-ին Բանդուրյանի և մյուսների վերաբերյալ քրեական գործով դատական հերթական նիստին հայտնի դարձավ, որ «Ելք» խմբակցության պատգամավոր Սասուն Միքայելյանը և «Ծառուկյան դաշինքի» 9 պատգամավոր քրեական աշխարհում հայտնի Նորատուսցի Ալիկին՝ նույն ինքը Ալիկ Բանդուրյանի համար անձնական երաշխավորություն են ներկայացրել:

«Ծառուկյան դաշինքի» պատգամավորներից քրեական հեղինակության համար անձնական երաշխավորություն էին ներկայացրել Արարատ Զուրաբյանը, Արթուր Մանուկյանը, Սերգեյ Բագրատյանը, Վահան Հայրապետյանը, Դավիթ Մանուկյանը, Հրանտ Մադաթյանը, Մերուժան Սիմոնյանը, Տիգրան Ստեփանյանը և Արայիկ Աղաբաբյանը: Պատգամավորները երաշխավորել էին, որ ազատության մեջ մնալու դեպքում Բանդուրյանը պատշաճ վարքագիծ կդրսևորի և չի խոչընդոտի գործի քննությանը, վարույթն իրականացնող մարմնից չի թաքնվի:

«Եթե ես իմանայի որ այսպես հանրային հնչեղություն կստանա իմ ստորագրությունը, չէի ստորագրի՝ հանրային կարծիքը իմ կյանքից բարձրա», ասաց Սասուն Միքայելյանը:

Միևնույն ժամանակ նաև նշեց, որ Բանդուրյանի առողջական վիճակի մասին խոսել է նաև բժիշկների հետ: Հարցրել է ի՞նչ վիճակում է կալանավորը պատասխանել են ՝ « մի 10-ը օր չի ձգի»:

Աղբյուր` Փաստինֆո