Փաստ ինֆո

Քիլլերն, ով 2012թ. սպանել է «օրենքով գող» Ասլան Ուսոյանի՝ «Դեդ Հասանի» ընկեր, քրեական հեղինակություն Իլգար Ալիևին, Մոսկվայում ձերբակալվել է, Ինտերֆաքսին հայտնել է տեղեկացված աղբյուրը:

Մայիսի 31-ին Մոսկվայում ՌԴ Ներքին գործերի նախարարության ու Անվտանգության դաշնային ծառայության աշխատակիցների կողմից ձերբակալվել է 1983թ. ծնված, ծնունդով Ադրբեջանից Թալիբխանլի Հաջիբաբա Թահիր օղլին, ով մերկացվել է 2012թ. տեղի ունեցած սպանության մեջ, նշել է գործակալության զրուցակիցը:

Ըստ նրա, ձերբակալվածը 2012թ. ապրիլին Մոսկվայում ատրճանակից գնդակահարել է քրեական հեղինակություն Իլգար Յուսիֆ օղլի Ալիևին, ով հայտնի էր որպես Իլգար Դանաբաշ, ինչպես նաև կրակել նրա երիտասարդ ուղեկցուհու վրա:

Ըստ աղբյուրի, ձերբակալվածը նույնպես քրեական հեղինակություն է և հայտնի է որպես Հաջի Բեյլագանսկի:

Աղբյուրը միաժամանակ հերքել է ԶԼՄ հաղորդումներն այն մասին, որ ձերբակալվել է Ուսոյանի անմիջական մարդասպանը:

Իր հերթին ՌԴ ՔԿ մայրաքաղաքային գլխավոր վարչության ներկայացուցիչ Յուլիա Իվանովան Ինտերֆաքսին հայտնել է, որ 2012թ. կատարված սպանության հետ կապված ձերբակալված տղամարդու նկատմամբ ընտրվել է կալանավորումը:

Ընդ որում, քննության ներկայացուցիչը չի ճշգրտել ձերբակալվածի ու զոհի անունները, հայտնել է, որ տղամարդուն մեղադրանք է առաջադրվել սպանության ու սպանության փորձի, ինչպես նաև զենքի անօրինական շրջանառության հոդվածներով:

Քննության վարկածի համաձայն, 2012թ. ապրիլի 19-ին մեղադրյալը Մոսկվայում հրազենից կրակել է Տոյոտա Լենդ Կրուզեր մեքենայի վրա, որտեղ եղել են 1960թ. ծնված տղամարդը և 1986թ. ծնված կինը: Ստացած վնասվածքներից տղամարդը տեղում մահացել է, իսկ կինը փրկվել է՝ ժամանակին բուժօգնություն ստանալու արդյունքում:

Աղբյուր` Փաստինֆո