Փաստ ինֆո

Իոսիֆյան փողոցից դեպի Հալաբյան փողոց ուղիղ ճանապարհային կապը կտրվելու է և հնարավոր չէ վերականգնել ինչպես նախկինում էր, ասել է Քաղաքապետի տեղակալ՝ Վահե Նիկոյանը:

Դավիթաշեն համայնքի բնակիչներից շատերը տեղյակ չէին խնդիրների մասին, որը առաջացնում է նոր կառուցվող Հյուսիս-Հարավ մայրուղին: Այժմ քաղաքապետարանի հայտարարությունից հետո, Դավիթաշեն համայնքի բնակիչների մոտ մեծ բողոքի ալիք է բարձրացել: 29.05.2018թ. ժամը 11:00- ին, համայնքի բնակիչների նախաձեռնությամբ տեղի է ունենալու տեղեկատվական բնույթի հավաք Դավիթաշեն 4-րդ և Իոսիֆյան փողոցների հատման կետում: Հավաքին, մտահոգված բնակիչները ցանկանում են հստակ տեղեկատվություն ստանալ Հյուսիս-Հարավ ավտոմայրուղու շինարարությունից առաջացած խնդիրների լուծման եղանակների մասին: Համայնքի բնակիչներից կկազմվի 4-5 հոգուց բաղկացած խումբ, ովքեր կգնան Տարածքային կառավարման զարգացման փոխնախարար՝ Կարեն Իսախանյանի հետ քննարկելու առաջադրված հիմնահարցերի լուծումների տարբերակները:

Բնակիչները հարգելով հասարակական կարգերը և վարչապետ պարոն Փաշինյանի կոչը, ընտրել են հավաքի համար վայր, որը չի խաթարի ճանապարհային երթևեկությանը: Նշենք նաև, որ 25.05.2018 թ.-ին կազմակերպված բողոքի ակցիան նույնպես ճանապարհային երթևեկությանը չի խանգարել, այն իրականացվել է շինարարական ճանապարհին և նպատակ է ունեցել խոչնդոտել շինարարական աշխատանքները, քանի որ քաղաքապետարանի կողմից բնակիչների կողմից ներկայացված դիմում-ստորագրահավաքը մերժվել է: Այդ իսկ պատճառով բնակիչների կողմից տեղի ունեցավ բողոքի ակցիան ի պատասխան քաղաքապետարանի բացասական արձագանքին: Դավիթաշեն համայնքի բնակիչների ցանկությունն է որպեսզի քաղաքապետարանը հավուր պատշաճի ուշադրություն դարձնի իրենց հոզող հարցերին:  Դավիթաշեն համայնքի բնակիչները չեն ցանկանում ճանապարհ փակել, նրանք ցանկանում են փակված ճանապարհները բացել:

Հիշեցնենք որ բնակիչների կողմից առաջադրված խնդիրները հետևյալն էին.

Հյուսիս-հարավ մայրուղու կառուցուման ճանապարհային լուծումները բարդացրել են Դավիթաշեն համայնքի բնակիչների դեպի մայրուղի մուտքը և ելքը: Լինելով Դավիթաշեն համայնքի  բնակիչներ, անհարմարությունների ենք հանդիպում, քանի որ առաջարկված ճանապարհային լուծումները ռացիոնալ չեն  բնակիչների ռեսուրսների և ծախսերի առումով:

Մասնավորապես՝ Դավիթաշեն 2-րդ փողոցը դառնում է փակուղի, որից խուսափելու համար անհրաժեշտ է Դավիթաշեն 2-րդ փողոցին մուտք տալ դեպի նոր կառուցվող մայրուղի: Բնակիչների պահանջն է՝ տրամադրել տրասնպորտային ճանապարհ Դավիթաշեն  2-րդ փողոցից դեպի նոր կառուցվող մայրուղի, ճանապարհը  լինի ինչպես մուտքային, այնպես էլ ելքային:

Մայրուղու կառուցման նախագծով փակվել է Դավիթաշենի Իոսիֆյան փողոցից դեպի Հալաբյան փողոց մուտքը: Իոսիֆյան փողոցից դեպի Հալաբյան փողոց մուտք գործելու համար պետք է վարել գրեթե 0.5կմ, ապա շրջադարձ կատարել, կրկին վարել 0.5կմ հակառակ ուղությամբ, որպեսզի հնարավոր լինի մուտք գործել Հալաբյան փողոց: Բնակիչների պահանջն է վերականգնել Դավիթաշենի Իոսիֆյան փողոցից դեպի Հալաբյան փողոց ուղիղ ճանապարհը:

Մայրուղու շինարարական աշխատանքները սկսելուն պես, (6 ամիս) այլևս Դավիթաշեն (գյուղ) հանրային տրանսպորտ չի մտնում: Ամբողջ համայնքին սպասարկում է միայն 69 համարի միկրոավտոբուսը, որը միայնակ չի կարող բավարարել ամբողջ համայնքի տրանսպորտային պահանջները: Բնակիչների պահանջն է վերականգնել նախկինում գործող հանրային տրանսպորտի բոլոր ուղությունները, որոնք սպասարկում էին համայնքին:   

                                                                                    
25.05.2018 թ.-ին կազմակերպված բողոքի ակցիայից  հետո քաղաքպետարանի անդրադարձը բնակիչների առաջադրած պահանջներին հետևյալն է.

Առաջին խնդրի լուծմանը քաղաքապետարանը կողմ էր և գծագիրը տրամադրել է Ճանապարհային Ոստիկիանությանը, որին ՃՈ-ն պետք է պատասխանի 3-5 օրվա ընթացքում: Դավիթաշեն համայնքի բնակիչները սպասում են Ճանապարհային Ոստիկանության պատասխանին:

Երկրորդ խնդրով առաջարկվել է 2 կամ 1 միկրոավտոբուս լինի Դավիթաշեն (գյուղ) համայնքում: Խնդիրը փաստացի չի լուծվել, բնակիչները դեռ սպասում են միկրոավտոբուսներին:

Երրորդ խնդրով Քաղաքապետարանի կողմից առաջարկվել է շրջադարձը մոտեցնել, իսկ Իոսիֆյան և Հալաբյան ուղիղ կապը ինչպես նախկինում է եղել հնարավոր չէ վերականգնել: Այս հարցով քաղաքապետարանը պատճառաբանում է, որ այդքան ֆինանսական ծախսեր չեն նախատեսվել: Այս պահանջը չի բավարարվել բնակիչների կողմից:

Աղբյուր` Փաստինֆո