Փաստ ինֆո

Հայաստանի Հանրապետական կուսակցությունն  այս փուլում արտահերթ խորհրդարանական ընտրությունների հարց չի դնում եւ չի քննարկել, ՀՀԿ ԳՄ նիստից հետո հայտարարել է ՀՀԿ խոսնակ, Ազգային ժողովի փոխնախագահ Էդուարդ Շարմազանովը:

«Արտահերթ ընտրությունների համար անհրաժեշտ են իրավական և քաղաքական պայմաններ», - լրագրողների հետ զրույցում ասաց նա:

Է. Շարմազանովի խոսքերով՝ որքանով ինքն է տեղյակ՝ Նիկոլ Փաշինյանը պատրաստվում է Ազգային ժողովի դատին ներկայացնել կառավարության հավակնոտ ծրագիր։ «Սահմանադրությունը հստակ տալիս է այն ուղիները, երբ կարող է արձակվել Ազգային ժողովը: Եթե մենք կողմ ենք քվեարկում կառավարության ծրագրին, բնականաբար, այս փուլում Ազգային ժողովի արտահերթ ընտրությունների անցկացման հարց դեռևս դրված չէ: Իշխանության ներկայացուցիչներն ասել են, որ սա քննարկման հարց է: Կքննարկենք, կտեսնենք», - նշեց նաեւ նկատեց, որ քաղաքական գործընթացները շատ արագ են փոխվում և որևէ մեկը չի կարող ասել, թե ինչ կլինի երկու, երեք կամ չորս ամիս հետո:

«Ժամանակավրեպ է, որ մենք խոսենք մի բանի մասին, որը կարող է արդիական լինել մի քանի ամսից կամ, ընդհանրապես, չլինել», - ասաց ՀՀԿ խոսնակը:

Նա ընդգծեց, որ իրենք չեն պատրաստվում արհեստականորեն խոչընդոտել կառավարության գործունեությունը ու պատրաստ են աշխատել նոր կառավարության հետ հանուն Հայաստանի Հանրապետության ժողովրդի, պատրաստակամ են քննարկել  ցանկացած օրենսդրական նախաձեռնության ընդունում, որը կբխի Հայաստանի քաղաքացիների շահերից:

ՀՀԿ-ի օրակարգում չկա նաեւ կուսակցության նախագահի պաշտոնանկության հարցը:

Ինչ վերաբերում է Կարեն Կարապետյանի ու կուսակիցների հարաբերություններին, ապա նրա բնորոշմամբ, հարաբերությունները փայլուն են:

«Մեր բոլորի հարաբերությունները փայլուն են, մենք շատ կուռ, միասնական քաղաքական թիմ ենք: Ես հաջողություն եմ մաղթում Փաշինյանի կառավարությանը, սա վերամբարձ խոսքեր չեն, որովետև յուրաքանչյուր կառավարության հաջողություն մեր ժողովրդինն է», - նշեց նա:

Աղբյուր` Փաստինֆո