Փաստ ինֆո

Երեխաների պաշտպանության միջազգային օրվա կապակցությամբ ՀՀ փաստաբանների պալատը երկու մրցույթ է հայտարարել:

ՀՀ ՓՊ պաշտոնական կայքէջի փոխանցմամբ, 5-ից 15 տարեկան երեխաների նկարների (գեղանկար, մատիտանկար, լուսանկար, ցանկացած տիպի թղթային կրիչով նկար) մրցույթ՝ «Ես քննադատում եմ անարդարությունը» թեմայով: Երեխաներն ազատ են ստեղծագործելու հարցում:

Մրցույթին մասնակցող երեխաներին ՓՊ-ն խնդրում է մինչև 2018 թվականի մայիսի 24-ը [email protected] հասցեին ուղարկել աշխատանքների լուսանկարները, երեխաները կարող են նաև աշխատանքներն անձամբ բերել Փաստաբանների պալատ և հանձնել մամուլի խոսնակ Ծովինար Խաչատրյանին:

Էլեկտրոնային նամակ ուղարկելը նախընտրելու դեպքում կցվում է աշխատանքի լուսանկարը և ուղղակի նշվում մասնակից երեխայի անուն ազգանունը, տարիքը, նկարի տեսակը, ինչպես նաև ուսումնական հաստատության անվանումը:

Մրցույթը կամփոփվի հունիսի մեկին ՀՀ փաստաբանների պալատում: Սպասվում են հետաքրքիր մրցանակներ:

Փաստաբանների պալատը 5-ից 15 տարեկան երեխաների համար հայտարարում է նաև երկրորդ՝ խաղաղության, ընկերասիրության, հայրենասիրության և պատասխանատվության վերաբերյալ կարգախոսների մրցույթ:

Մրցույթին մասնակցող երեխաներին ՓՊ-ն խնդրում է մինչև 2018 թվականի մայիսի 25-ը կարգախոսներն ուղարկել [email protected] հասցեին: Էլեկտրոնային նամակում ուղղակի նշվում է երեխայի անուն ազգանունը, տարիքը, նկարի տեսակը, ուսումնական հաստատության անվանումը:

Հարցեր ունենալու դեպքերում կարելի է զանգահարել Պալատի մամուլի խոսնակ Ծովինար Խաչատրյանին 094 536002 հեռախոսահամարով:

Աղբյուր` Փաստինֆո