Փաստ ինֆո

Նիկոլ Փաշինյանի հետ նախապայմաններով չենք խոսել: Ազգային ժողովում վարչապետի քվեարկությունից առաջ լրագրողների հետ ճեպազրույցում ասաց «Ծառուկյան» խմբակցության ղեկավար Գագիկ Ծառուկյանը ի պատասխան հարցին, թե նոր կառավարությունում «Ծառուկյան» դաշինքը նախարարական պորտֆելներ կունենա, թե ոչ:
Նա նաև, նշեց, որ Փաշինյանի հետ հանդիպել են, քննարկել, թե ինչից սկսել, եթե այդպիսի առաջարկ լինի, հանրությունը ևս կտեղեկանա:
Ծառուկյանի խոսքով՝ այդպիսի խնդիր չի եղել և իրենք այդպիսի հարցադրում չեն դրել Նիկոլ Փաշինյանի առջև,, Փաշինյանն էլ այն մարդն է, որ նրա հետ դու չես կարող ինչ-որ նախապայմաններով խոսել։
Ինչ վերաբերում է Նիկոլ Փաշինյանի այն հայտարարությունը, թե բիզնեսն ու քաղաքականությունը պետք է տարանջատվեն, Ծառուկյանը պատասխանեց, որ նախ հարցը տեղին չէ, որովհետև Ծառուկյանը երբեք քաղաքականությունը չի ծառայեցրել ու քաղաքականությունը չի համարել իր համար բիզնես և քաղաքականությունով չի զբաղվել որպեսզի իր բիզնեսն ավելի զարգանա և ավելի մենաշնորհներ ձեռք բերի։
Նրա խոսքով՝ միշտ իր նպատակը և ցանկությունը այն է, որ կարողանա օգտակար լինի, աջակցել, հնարավորություն ու պայման ստեղծելու, որ կարողանան իրենց նպատակներին հասնել։

Աղբյուր` Փաստինֆո