Փաստ ինֆո

Մայիսի 3-ին HSBC բանկի «Կոմիտաս» մասնաճյուղի վրա կատարված զինված ավազակային հարձակման դեպքով «Փաստինֆո»-ին նոր մանրամասներ է հայտնի դարձել:

Մասնավորապես, ոստիկանության գնդապետ Դանիել Դանիելյանը, մուտք գործելով բանկ, իր մոտ եղած հրազենով կրակել է առաստաղին և գումար պահանջել, սակայն բանկի անվտանգության աշխատակիցները փորձել են նրան վնասազերծել և հենց այդ ժամանակ էլ ավազակային հարձակում կատարած անձը կրակել է Խաչատուր Գալստյանի վրա, ով տեղում մահացել է: Այս մասին տեղեկացնում է Ոստիկանությունը:

Այդ ամենից հետո ավազակային հարձակում կատարած անձին հաջողվել է բանկից տարբեր արտարժույթի գումար հափշտակել և դիմել փախուստի, սակայն նրան չի հաջողվել հեռու գնալ:

Ոստիկանները շարունակել են նրան հետապնդել և վերջինս այդ ժամանակ ևս կրակել է ոստիկանների ուղղությամբ, ինչի հետևանքով հրազենային վիրավորում է ստացել ՀՀ ոստիկանության Երևան քաղաքի վարչության ՊՊԾ գնդի ոստիկան Արա Շախգուլյանը, ում կյանքը փրկել չի հաջողվել և հիվանդանոցում ժամեր անց մահացել է:

Ավելի վաղ տեղեկացրել էինք նաև, որ ավազակային հարձակում կատարած անձը իրեն հետապնդելու ժամանակ դանակահարել է անվտանգության աշխատակից Արամ Մկրտչյանին:

Հիշեցնենք, որ «Փաստինֆո»-ի տեղեկություններով՝ բանկից ավազակային հարձակում կատարելուց հետո պարզվել է, որ հափշտակվել է տարբեր արտարժույթի թղթադրամներ՝ 79.200.000 ՀՀ դրամ, 110.000 ԱՄՆ դոլար, 39.690 եվրո, 242.240 ՌԴ ռուբլի, 2.980 կանադական դոլար, 200 ավստրալիական դոլար և 700 ՄԱԷ դիրհամ:

Դանիելյանին վնասազերծելու ժամանակ նրա կողմից հափշտակված գումարը թափվել է դեպքի վայրում:

Աղբյուր` Փաստինֆո