Փաստ ինֆո

ՀՀԿ-ական պատգամավոր Գևորգ Կոստանյանը երկրում ստեղծված իրավիճակից դուրս գալու պատասխանը չունի. «Բարդ իրավիճակ է և բարդ հարցեր եք տալիս, որոնց պատասխանը ես չունեմ»,- լրագրողների հետ զրույցում ասել է Գևորգ Կոստանյանը:

Հանրապետական կուսակցությունն այլևս գոյություն չունենալու կարծքիների վերաբերյալ՝ ՀՀԿ-ական պատգամավորը կարծիք է արտահայտել, որ ցանկացած կուսակցություն իր գաղափարախոսություններով և մոտեցումներով գոյություն ունենալու իրավուքն ունի և ժխտողական գնահատականներ հնչեցնելն այս առումով ճիշտ չէ:

Թե ի՞նչ կանխատեսումներ է անում ՀՀԿ-ական պատգամավորը և արդյոք մյուս շաբաթ ՀՀԿ-ն կքվեարկի՞ Փաշինյանի օգտին, նա նշել է, որ դեռևս մեկ շաբաթ կա, հետո կխոսենք:

«Ինձ համար դժվար է Հանրապետականի դիրքորոշումը հայտնել, կանխատեսումներ անել, դուք տեսել եք, որ ես այսքան ժամանակ կուսակցական որոշումների չեմ մասնակցել, որովհետև ես կուսակցական չեմ»:

Հարցին, թե արդյոք Հանրապետականը միտվա՞ծ է խորհրդարանական ընտրությունների գնալ, Կոստանյանն ասաց, որ նման հետևության հանգելու համար բացարձակ հիմքեր չկան, մինչդեռ դա Սահմանադրական լուծում է, որը չի բացառվում:

Աղբյուր` Փաստինֆո