Փաստ ինֆո

ՌԴ Պետդումայի ԱՊՀ գործերով, եվրասիական ինտեգրման ու հայրենակիցների հետ կապերի կոմիտեի առաջին փոխնախագահ, ԱՊՀ երկրների ինստիտուտի ղեկավար Կոնստանտին Զատուլինը հույս է հայտնում, որ շուտով հայաստանյան ստեղծված իրավիճակից ելք կգտնվի: Եվ ամենակարևորը, որ դա լինի սահմանադրական և իրավական հարթակում:  

«Ռուսաստանի պետական դումայի պատգամավորներն արդեն երկրորդ օրն է Հայաստանում են, որպեսզի տեղում ծանոթանան Հայաստանի ներքաղաքական իրավիճակին: Թե ինչու ենք մենք այստեղ կարծում եմ, պարզ է, մենք անտարբեր չենք այն ամենի նկատմամբ, ինչ տեղի է ունենում Հայաստանում:

Մենք միանշանակ չեն պատրաստվում միջամտել այն հարցին, թե ով է լավը կամ ով է վատը, ով ավելի հարմար է վարչապետի թեկնածության համար և այլն: Դա մեր գործառույթը չէ, մենք, որպես Հայաստանի ընկեր, անկեղծորեն անհանգստացած ենք ստեղծված իրավիճակով:

Ես անկեղծորեն, հույս ունեմ, որ ստեղծված իրավիճակից ելք կգտնվի և ամենակարևորն այն է, որ դա լինի սահմանադրական, իրավական հարթակում»,- «Արմենպրես»-ի մամուլի սրահում հրավիրված ասուլիսում ասաց Կոնստանտին Զատուլինը:

Աղբյուր` Փաստինֆո