Փաստ ինֆո

Այս պահին հանրապետության հրապարակում է ՀՀ նախագահը։ Նշենք， որ Երևանի Հանրապետության հրապարակում ներկայումս բազմամարդ հանրահավաք են անցկացնում Հայաստանի երրրոդ նախագահ Սերժ Սարգսյանի վարչապետության դեմ պայքարող ցուցարարները՝ Ազգային ժողովի պատգամավոր Նիկոլ Փաշինյանի գլխավորությամբ։

Այս պահին երկրի Նախագահ Արմեն Սարգսյանը ժողովրդի ներկայությամբ բանակցում է ԱԺ ԵԼՔ խմբակցության ղեկավար Նիկոլ Փաշինյանի հետ: 

Սակայն նրանց խոսակցությունը չի լսվում:

Հիշեցնենք, որ ՀՀ նախագահը հանդես էր եկել հայտարարությամբ՝ պատրաստակամություն հայտնելով անձամբ հանդիպել Նիկոլ Փաշինյանի հետ։

«Անհրաժեշտ է պարպել լարվածությունը: Չպետք է թույլ տալ, որ կողմերին բաժանող անջրպետը հնարավոր չլինի կամրջել:

Ուստի, պատրաստակամ եմ հանդի­պե­լու Ազգային ժողովի պատգամավոր Նիկոլ Փաշինյանի հետ՝ առկա լարվածությունը քա­ղա­քա­կան ուժերի երկխոսության միջոցով մեղմելու նպատակով»，- ասել էր նախագահը: 

Ի պատասխան ԱԺ ԵԼՔ խմբակցության ղեկավար Նիկոլ Փաշինյանը հայտարարել էր , որ պատրաստ է հանդիպել երկրի Նախագահ Արմեն Սարգսյանի հետ， բայց Հանրապետության հրապարակում:

19:18 - Նիկոլ Փաշինյանը իր անունից բացառում է ուժի կիրառումը և վենդետաները: Արմեն Սարգսյանը Փաշինյանից հետաքրքրվեց՝ արդյո՞ք պատրաստ է իր հետ բանակցությունները շարունակել «Մարիոթ. հյուրանոցում: 

19:22 - Արմեն Սարգսյանը և Նիկոլ Փաշինյանը շարժվում են «Մարիոթ» հյուրանոցի ուղղությամբ:

19:25 - Այնուամենայնիվ, Արմեն Սարգսյանն ու Փաշինյանը չգնացին բանակցելու: ՀՀ նախագահը, պատասխանելով լրագրողների հարցին, թե արդյոք բանակցություններ կլինեն, պատասխանեց. «Հուսով եմ»: Սարգսյանը լրագրողներին խոստացավ նրանց հրավիրել իր մոտ: 

19:28 - ՀՀ նախագահը ծառայողական մեքենայով հեռանում է Աբովյան փողոցից:

Աղբյուր` Փաստինֆո