Փաստ ինֆո

Ինչպես տեղեկացանք՝ Armsport.am ից այսօր հայտնի դարձավ, որ Լոնդոնի «Արսենալի» գլխավոր մարզիչ Արսեն Վենգերը մրցաշրջանի ավարտից հետո կլքի թիմը:

Համացանցում «Twitter»-ի օգտատերերը ակտիվորեն քննարկում են ֆրանսիացու այս որոշումը.

«Պատկերացրեք, եթե այս ամեն ինչը կատակ լիներ և Եվրոպա լիգան հաղթելուց հետո Վենգերն ասեր «Ուոլ Սթրիթի գայլը» ֆիլմի հայտնի խոսքերը. «Ես ոչ մի տեղ էլ չեմ հեռանում»», - @mikeyrigney

«Այս հրաժարականի մասին լուրին չէի սպասում այս շաբաթ»,- @DavidLammy

«Ամեն ինչ իրավացի է:

Այժմ, երբ Վենգերը հայտարարեց հեռանալու մասին, երկրպագուները կասեն, որ նրանք զգում են Վենգերի բացակայությունը, չնայած այն փաստին, որ մրցաշրջանի սկզբում նրանք չէին ցանկանում Վենգերին տեսնել թիմում: Մտածեք երկու անգամ»,- @will_armitage_

«22 տարի «Արսենալում»` դա գրեթե իմ ապրած կյանքի չափ է: Ապշեցուցիչ է: Ուրախ եմ, որ այս ամենի փոքրիկ մասն եմ կազմում: Շնորհակալությու՛ն, Արսե՛ն»,- @seregnarby` «Արսենալի» նախկին ֆուտբոլիստ

««Տխուր օր է «Արսենալի» համար, քանի որ Արսենը հեռանում է: Մենք կարող ենք չԷ՞ նրան հրաժեշտ տալ այնպես, ինչպես նա արժանի է: Հիշեք տիտղոսների մասին»,-@thedavidseaman` «Արսենալի» նախկին դարպասապահ

«Վերջապես Վենգերը հեռացավ: Հույս ունեմ, որ «Արսենալը» կվերադառնա լավագույն քառյակ»,- @nharmertaylor

«Չնայած հարգում եմ Վենգերին, բայց այս օրը պետք է մի քանի տարի առաջ լիներ»,- @vickery135

«Վերջապես «Արսենալն» ազատվեց Վենգերից»,-@ChhapriSala

Աղբյուր` armsport.am