Փաստ ինֆո

Թուրքիայում ծխելով պայմանավորված հիվանդությունների պատճառով օրական 300 մարդ է մահանում։ Այլ կերպ ասած՝ յուրաքանչյուր 5 րոպեում մեկ մարդ է մահանում։ Ամենից հաճախ մահվան պատճառ են հանդիսանում սրտի կաթվածը, թոքերի քաղցկեղը և քրոնիկական բրոնխիտը։ Այս մասին հայտարարել է Ստամբուլի «Medeniyet» համալսարանի ռեկտոր Իհսան Քարամանը։

Նա տեղեկացրել է, որ Թուրքիայում ծխախոտ են օգտագործում սկսած 13-15 տարեկանից, ընդ որում՝ ծխում է յուրաքանչյուր 10 տղամարդուց մեկը և 20 կանանցից մեկը։ Թուրքիայում ամեն օր ծխախոտ գնելու նպատակով ծախսվում է 90 մլն թուրքական լիրա (շուրջ 22․5 մլն ԱՄՆ դոլար), տարեկան այդ ցուցանիշը կազմում է 30 մլրդ լիրա (շուրջ 7․5 մլրդ ԱՄՆ դոլար)։

Ողջ աշխարհում ծխելու պատճառով զարգացող հիվանդություններից ամեն տարի մահանում է շուրջ 6․5 մլն մարդ։

Աղբյուր` Փաստինֆո